ترددت كثيرا أن انزل متل هذه المواضيع لانها فيها دوشة وربما ا تناسب كثيرا من الي بيعملوا اعمال رايقة وفيها تجلي ..
لكن قلت خليني ولو مرة أطلعكم على عمل الجملة السريع .. وبالذات في ممن يتابع المنتدى من يعمل بمراكز تحفيظ او معاهد او مدارس او نوادي صيفية وممكن يستفيدوا من هذا الموضوع لانهم دايما معجوقين ( ما بعرف ايش ترجمة هاي الكلمة ) يعني مستعجلين وبدهم كل اشي هلا هلا
وهذا الي بيصير معي بشكل متكرر في مدرستي الحبيبة :icon33:
دايما بيجولي وبيقلولي ..بهاء مشاااااااااااان الله بدنا 50 درع .. طيب يا شباب ؟؟ متى بكم اياهم ؟؟؟؟؟ بيكون الجواب الصاعق : بعد بكرة .. وعشانهم كتار بنعطيك يوم طوارئ ...ههههههههه:mad:
لذلك تعودت على هاي القصة وصار عندي طرق لتمشاية الاعمال السريعة
مثلا هذا العمل
طلبوا مني ل85 طالب متفوق براويز صغيرة .. ومتى بدهم اياهم ؟ بعد ثلاثة ايام
وبدأ العمل:cook:
جبت لوحين خشب .. وزي ما بتعرفوا مقاس لوح الخشب 122في244 وبعد ما شرحتو لقطع مقاس الوحدة 18في 24 طلع معي 120 قطعة تقريبا ...
زي هذه القطعة
واذا بتلاحظوا هاي الفرزة على حفايف الدرع او البرواز بتسويها ماكنة اسمها ماكنة فورمايكا .. صورتلكوا اياها زمان . لكن ما بتهمكو لانها خطرة ..انتو ودوا على النجار وبخلصلكم اياها بثوان معدودة
وحفرت مكان للبرواز بريشة عريضة علشان يتعلق .. لا تنسوا انهم قريب ال100 برواز لو كل واحد بدي اعملو تعليقة جاهزة بدي يوم بس على التعليقات .. وهذه تؤدي الغرض في مثل هذه الحالات
وبعدين هلا بدنا ننطلق
شوفوا كيف ال85 درع راح يخلصوا بدقائق
بجيب اول واحد وبلصق على الحرف لاصق علشان الون الحرف فقط لون بني .. وهذا الخشب لازم يتاسس لانو بيشرب الالوان لكن طبعا ما معي وقت للتاسيس .. جبت علبة رش نوع امريكي .. وبدأت برش الحرف لانو علب الرش بيثبت اللون لحد كبير
وبحط عازل اي شي ورق او اي شي حتى يعزل قلب الدرع انو ييجي لون
لكن حتى هاي الخطوة لا تفكروها سريعة .. لو بدي اشتغل الدروع كلها بهاي الطريقة راح اظل يوم بس على الدهان
لذلك بجيب كمية من الدروع وبصفطهم تحت بعض بالضبط وبرشهم مرة وحدة
الصورة بتوضح كيف