تسلمين والله ماخليتوا شي الموضوع الأول اللي اقرأ كل الردود الواره فيه
وكل ماتذكرت وحده قلت بحطه لقيتها مكتوبة
ماشالله عليكم يأهل الغربية اغانيكم نفس اغنينا مع ان اللهجه فيها اختلاف كثير " انا من حائل "

هذي هديه مني لكم :

سكر مكر دم دم دم ياكل يشرب دم دم دم
قيل وقال كيف يكون السكر مكر دم دم

وهذي بعد:
انا سندباد باد اصلي من بغداد باد اختي ياسمينه فتاة جميلة عمي علاء الدين جبلي كتاب الدين من فلسطين فلسطين بلادنا واليهود كلابنا دقوا على ابوابنا زي الشحاتين تين على تين يابياع الفساتين فصلي تنوره اهديها ابله نوره ابله نوره ياعيوني لابسه الثوب اليموني لابسه الساعة اللماعه تسوى كل الجماعة

وهذي :( ننشدها في ساحة المدرسة نعرف انافق الابله من صغرنا هههه اغلى من امي وابوي وهي مكسرة روسنا بالمسطرة)
طياره طارت في السماء العالي فيها معلمتي رايحه لبناني مابدي ماما ولا بدي بابا بدي معلمتي حلوة لبناني .


:24: :24:

اللللللله وناااسه ذكرتونا بلعبنا اووول
كنا نغني...

يا مرت ابوي يا مرت ابوي
وين راح ابوي وين راح ابوي
راح الجبره راح الجبره ... الجبره يعني سوق الخضره :)
شيبلي شيبلي.. يعني شنو ايبلي لوول
شرق ورق شرق ورق
وين احطه وين احطه
بصنيدقي بصنيدقي
صنيديقي ماله مفتاح
والمفتاح عن الحداد
والحداد يبي فلوس
والفلوس عند العروس
والعروس تبي اعيال
والعيال يبون حليب
والحليب عند البقر
والبقر يبون حشيش
والحشيش يبي مطر
والمطر عند الله
لا اله الا الله محمد رسول
.....................................

وفي لعبه ثانيه مع اغنيه لوول نلعبها بدينا ونغني

قال الجبن ماني جبن لانه الفار ياكلني
قال الفار ماني فار لانه القط يلحقني
قال القط ماني قط لانه الكلب يلحقني
قال الكلب ماني كلب لانه العصا تضربني
قال العصا ماني عصا لانه النار تحرقني
قال النار ماني نار لانه الماء يطفئني
قال الماء ماني ماء لانه البشر يشربني
قال البشر ماني بشر لانه الله خالقتني ... استغفر الله مادري شلون كنا نغنيها وما نفهم معانيها عددددل بس الحيين قمنا نلعبها من غير المقطع الاخير
:)
وفي بعععد واااايد اغاني بس ما اذكرها الحييين

مشكووووووورة

فكرتونا بأيام زماااااااان

موضوع يجنن تقريبآ كل الاغاني اللي ذكروها كنا نقولها صراحة ما ادري كيف كلنا حفظناها سوا من دون ما نعرف بعض كلن في مكان
هذة نغنيها اذا غيم الجو
على طول ن صيح

ياغيم غيم عندنا...
والبنت ما هي بنتنا ...
بنت الثريا والنجوم...


وهذة بعد لما تمر طايرة من فوقنا نغنيها
ونقول

طايرة طارت في الجو
فيها ثلاث عصافير
وحدة تصلي
ووحدة تصوم
ووحدة تدعي للرسول

وهذة نغنيها في نط الحبل
وهي

شبرة..امرة ..شمس ..نجوم..كواكب ..هواء ..علبة ..دواء..
طبعآ كل وحدة تكون مسماه باسم وحدة من هذة الاسماء
يعني تبدأشبرة تنط وثنتين يمسكوا الحبل لها و اي اسم تطيح عندة تكمل وراها اللي طاحت عند اسمها

اتذكر كنا مجموعة بنات كثير نلعب وما تكفينا اسماء الاغنية

فكملنها

بشطة..و تونا ..وبطاطس ..ورق
يعني صارت كذا

شبرة..امرة ..شمس ..نجوم..كواكب ..هواء ..علبة ..دواء.. بشطة..و تونا ..وبطاطس ..ورق

وبرضوة حقرة بقرة قلي عمي عد العشرة يكونوا مجموعة تنعد عليهم لحد عشرة اللي توصل علية العشرة يطلع لحد اخر واحد تكون علية العشرة ويغمض والباقي يندس يعني الدسيس = استغماية

ادري ما خليت شيئ
بس هذة طفولتنا ما بنخلي شيئ

وفي لعبه ثانيه مع اغنيه لوول نلعبها بدينا ونغني

قال الجبن ماني جبن لانه الفار ياكلني
قال الفار ماني فار لانه القط يلحقني
قال القط ماني قط لانه الكلب يلحقني
قال الكلب ماني كلب لانه العصا تضربني
قال العصا ماني عصا لانه النار تحرقني
قال النار ماني نار لانه الماء يطفئني
قال الماء ماني ماء لانه البشر يشربني
قال البشر ماني بشر لانه الله خالقتني ... استغفر الله مادري شلون كنا نغنيها وما نفهم معانيها عددددل بس الحيين قمنا نلعبها من غير المقطع الاخير


هههههههههههه

ذكرتيني بأيام زماااااان ياسلام على ذيك الأيام
كنا نلعبها بالشارع ونصرخ لمى تشقق حلوقنا خخخخخخخخ

وخذوا هذي بعد

ذبوح ياذبوح
كل العرب مذبوح
أمه تصيح وتنوح
وتقول ياولدي
ياطالع الشجره
جب لي معك بقرة
احلبها واسقيني
صيني على صيني
كسر مواعيني
دخلت بيت الله
لقيت حمام الله
ويلقط السكر
ويلقط العنبر

تحياتي