غياب ابي دمرني

السلام عليكم...
اول شي بحب اشكركم عالمنتدى الحلو وبتمنى اكون كتبت بالقسم المناسب
انا بنت عمري 23 سنه تخرجت من الجامعه وموظفة الحمدلله... نفسي افضفض لعل وعسى الاقي نصيحة ودعوة
ابي انفصل عن امي وتركنا من لما كان عمري 7 سنين.. سافر وما عاد شفتو ولا لمحتو ولا حتى يسال.16 سنه ما شفت ابوي. ويكلمنا احيانا. انا مشكلتي اني فاقدة حنان الاب وبحس اني محتاجه لابوي بشكل فظييييع وملح..تعبااانه وكل يوم بتخيل حالي نايمه بحضنو .. بتمنى حضن الاب بشكل فظيع..نفسي يكون عندي اب يضمني ويحن علي ويشوف مشاكلي واحس معاه بالامان واحس انه الي سند...كل ما اشوف رجل بالاربعينات او فوق بتمنى اروح عليه يحضني واقله بابا :( تعبببت والله تعبت... بابا ما في امل يرجع خلص ورح انحرم منو طول حياتي..امي بتزعل لما احكي معاه وتقولي مش لازم تحكي مع واحد زيو، يمكن معها حق لانه عذبها بس والله مش بايدي، بشتاق اسمع كلمة حنان منو فبروح احكي معه..مش بإيدي والله، ما حد حاس فيني وبمعاناتي..كل يوم بموت الف موته.. ما حد رح يعوضني عن حنان الاب ولا حتى زوجي مستقبلا لانه الزوج ما بيعطي حنان بدون مقابل..اما الاب حبه وحنان غير مشروط وبدون مقابل.وفاقدة الامل اتزوج بسبب ابوي وتعرضت لموقف انه شاب كان رح يتقدملي وبطل بسبب عملة ابوي هاي :( ..ادعووولي يا بنات