غيداء البحرين وينك؟؟

هلا أختي غيودا لا لسة ما ولدت وهذا موعدي الثاني والإلتراسوند يقول موعدي28/12 فنصبر ونشوف منو اللي يصدق وكل شيء بيد الله ولو ولدت راح أقول لكم بس شلون ما أعرف لإني راح أطلع من المستشفى على طول عند أهلي وهناك ما في أنترنت ولو رجعت شقتي راح أرجع على بيتي الجديد إنشاء الله ويبيلها وقت لاكن راح أحاول إني أوصل لكم الخبر بأي طريقة وشكراً على سؤالج عني بس لا تنسيني حزتها ولا تنسيني بالدعاء وإنشاء الله نولد في يوم واحد بالسلامة بس شلون نعرف عن بعضنا
غيداء البحرين:24: :27:

اهلين غيداء البحرين زين طمنتيني عليك والله يقومك بالسلامه وجميع الحوامل

انا ان شاء الله اول ما اولد راح اخبركم وانتي بعد حاولي تخبريني ونشوف من يولد قبل ههههههههههه

سؤالي الحين كيفك مع اخر شهر انا مره متعبني احس اني عجوز اذا جيت اقوم اجلس ساعه واذا جيت امشي نفس الشيء والنوم ماارتاح فيه الله يسهلها علينا يارب

على فكره حملي هذا الثاني الاول ما حسيت بشيء بس هذا غير شكل

انتي بكريه والا قد حملتي قبل ؟؟؟

معليش اسألتي كثير بس انا بغربه وابي احد يشاركني الحاله اللي انا فيها و ياليت كل البنات اللي بالشهر التاسع يشاركونا


اختك

غيودا

هلا غيودا أنا مثلج تعبانه وايد لاأقدر آكل ولا أقدر أنام أخاف أنام ويصير في اللي بطني شيء يعني وسواس دائم وإذا مشيت أتعب بسرعة وإذا قعدت يصير فيني شد في عضلات البطن ( الرحم) هذا حسب كلام الدكتورة ,انا عايشة بهذا الوسواس لإني ماني بكرية هذا حملي الثالث في حملي الأول مات الجنين في نصف التاسع وكانت بنت وموتها كان مفاجيء ما كنت أحس بالحركة يومين ولما رحت الموعد قالولي إن الجنين ميت وصارت فيني حالة نفسية تميت كل ما أشوف وحدة كانت حامل معاي وبيدها طفلها أتم أبجي طول اليوم لحد ما الله كتب لي بعد6 أشهر وحملت ببنتي وتميت في قلق وسواس لحد ما جاني ألم مفاجيء في الشهر ال7 وظنيت إنه طلق وطلع فيني حصى بالكله ورقدت شهرين بالمستشفى لحد ما ولدوني بطلق صناعي في بداية الشهر ال9 وكنت في فترة رقادي يومياً يسون لي تخطيط لدقات قلب الجنين وهذا أنا ألحين حامل معاج بالثالث والوسواس يكمل مشواره معاي وتوني رادة من التخطيط وقالت لي الدكتورة إنها ما راح تخلين أتخطى ولا يوم من الشهر التاسع ورحت للعطار ( الحواج ) أبي شيء يحفز الطلق قبل ما يحطون لي طلق صناعي ولكنه نصحني أسوي لي ماء ساخن فيه زعفران وأحليه بسكر وأشربه ونصحني بالمشي وايد ورجعت البيت وشربت الوصفه وإنشاء الله خير وسامحيني على كثر الكلام
غيداء البحرين:26:

هلا غيداء البحرين كيفك اليوم وايش صار معاك؟؟
والله انه ضاق صدري لما سمعت سالفتك والحمدالله على كل حال والله عوضك ببنوته وان شاء الله على الاجر بس انتى الله يهديك لو تبطلين هالوسواس كا ن ترتاحين لان نفسيتك راح تتعب وراح تأثر عليك وعلى البيبي
والله يتمم عليك بخير

ياليت تعلميني ايش صار معاك لما شربتي الزعفران هل اثر عليك والا لا؟؟

على فكره انا عندي ولد عمره خمس سنوات والحين انا حامل وقالوا لي بنت واللي عرفته منك انك عندك بنوته بس ايش قالوا لك بالحمل هذا وايش ناويه تسميين البيبي

اتمنى اسمع عنك اخبار حلوه

غيودا

هلا أختي غيودا أنا صح شربت الزعفران بس ما حصل معاي شيء واليوم رحت موعد الفحص وقالت لي الدكتورةأني في الأسبوع 38 + 4 أيام ولازم الليلة ينحط لي طلق صناعي وراح أروح العصر للمستشفى علشان أرقد وأنا ألحين على أعصابي ومحتاسة وأرجوج لا تنسيني بالدعاء وطلبي من أخواتي بالمنتدى يدعون لي وأنا آسفة على ردي المتأخر عليج وأنا عندي بنت في شهر 11 كملت ال4 سنوات ودخلت ال5 وأسمها غيودا ( غيداء ) وإنشاء الله أجيب لها أخو حسب ما قالوا لي بالإلتراسوند وكل شيء يجي من الله حياه الله وكلهم نعمة سواء البنت أو الولد بس يجون بالسلامة

غيداء البحرين