غيرة خواتي لا تطااااااق

صباح الخير عليكم يا جميلات 
احس بيضيييقه فضيعه أنا يا بنات متزوجه و عندي بنوته الله يحفظها حياتي الزوجيه مستقره الحمدلله صحيح مو توب مره وحده لأن مافي حياه بدون مشاكل لكن الحمدلله أنا عندي 3 خوات اول وحده زوجها 24 ساعه يتهاوش معها الله يصلحه و يسخره لها و الثانيه زوجها بخيل بالفلوس و الثالثه زوجها كان مدلعها دلع ما شاء الله بس حاليا مريض و كله فالبيت عسى ربي يشفيه و أنا اصغر خواتي قلت لكم معاناة كل وحده مع رجالها عشان شي و هو انه زوجي فيه 3 شغلات مضايقه خواتي مني اولا زوجي هادي مو راعي مشاكل لأن طبيعته باااااارد و الثانيه كريم معاي و كل اللي ابيه يقطه تحت رجولي و الثالثه شبه يومي يطلعني و نغير جو يعني كل مشكله بين كل خواتي مع رياجيلهم زوجي عكسهم تماماً يعني يشوفون زوجي توب بس نسو ان الله يأخذ شي و يعطي شي زوجي مولع بالنت زوجي يخز الحريم بشكل جارح لين نتهاوش و تدرون لما اشكي لوحده فيهم يظنون اني كذابه و اطفي العين طيب شحادني اسولف عن ضحكنا و مواقفنا انا و زوجي مع بعض لو انا بس بطفي العين حاليا صرت ما امدح زوجي نهااااائي لأني قمت اشوف الغيره بتصرفات خواتي لحد يقول الاخت ما تغار يمكن انتي شفتي خواتج كذا و احمدي ربج و الله لا يغيرهم الا لأحسنه بس لما اشوف التعليقات الجارحه لما اشوف اختي تقولي انتي تقدرين تسوين و تقدرين تشترين بطريقة حسد و لما اشوف اختي تنطر مني اي حرف عشان تفرغ فيني و لما اشوف نختلف انا و وحده و الباقين يدخلون على الخط كأني اجرمت بنات انا اسوق سياره تدرون ان اجباري اجي من بيتي عشان اوديهم مشاويرهم و لا اصير انانيه و مطنشه الكل و بس قاعده بحضن زوجي و مابيهم و و و بنات انا ما اقولكم بري بأهلي و خواتي بالذات عارفين انا شنو بس عقب ما تزوجت كلهم تغيرو صارو يطالعون لبس بنتي بحسد و اني ابذر بكمية الملابس اللي اشتريها لبنتي و ان زوجي معطيني وجه ،، مره قلت لزوجي ابي فلوس بروح السوق مع خواتي قام عطاني بطاقته البنك لأن ما معاه كاش و بيطلع للدوام متأخر تخيلو يوم دفعت فبطاقته عرفو انها بطاقته لأني انا قاعده فالبيت بدون وظيفه تخيلو يقولون لي مخرفنته و هو خروفج قلت هاذا بو فلانه شيخ الرجال مو خروف جد تضايقت من الاسلوب و آخرها اختي قبل شوي تقولي انا مو فلان عشان تضحين علي عصبت لأن الكل قاعد قلت ليش فلانه معودتك انا اني اضحكج على رجالي ليش تغيرو خواتي ليش صارو هجوميين معاي والله يا بنات تجريح اذا ما طلعت معاهم تجريح اذا ما نمت فبيت اهلي وياهم بالويك اند تجريح اذا شريت شي جديد و غالي تجريح اذا دقت وحده علي و لقتني اتكلم بهدوء و نعومه عشان زوجي عندي كلنا نغير صوتنا عند رياجيلنا و خواتي نفس الشي اذا دقينا على بعض و شفنا نعومه درينا ان رياجيلنا عندنا كل البنات كذا و لحد ينكر بس خواتي هاتك يا تجريح اذكر قبل حصل موقفين بنفس الاسبوع اول موقف دقت اختي علي اول ما رديت عطتني تحقيق وينك ؟؟ قلت والله طالعه آمري قالت عز الله يضيق صدرك من البيت تموتين لو تقعدين يوم طبعا انا بلعت ريقي بصعوبه خصوصا ان السياره هاديه و صوتها عااااالي تفشلت من زوجي بس يوم سكرته قعدت اضحك ان اختي تمزح معاي و ثاني موقف عقبها بيومين دقت علي اختي الثانيه الساعه 8 بالليل تقولي روحي العرس مع امي و كان العرس بنفس اليوم عروسنا بالكويت تبلش 9 و تخلص 12 و هي داقه 8 و شي متى البس و شنو بلبس للعرس تعرفون حوسة العرس قلت ماعندي خبر ما اقدر اروح قالت اجل امي تروح بروحها ؟؟ قلت امي ما علمتني عن العرس من امس عشان اعرف شنو البس و وين اسوي شعري قلت انتي روحي خصوصا ان امي كانت قايله لها هي و متفقه معاها انها تروح معاها العرس و طبعا زوجي كان قاعد بالصاله معاي عشان كذا ما قدرت ارد قامت تصارخ انتي ما عليج من احد و ما تهتمين الا بنفسج و انتي و انتي ليش طيب ليش بلعت ريقي بصعوبه و سكت و انا خانقتني العبره كل هاذا عشاني عايشه افضل منهم بنظرهم قمت يا بنات و سكرته منها بعد ما اطفأت غليلها فيني على ولا شي و يوم طلع زوجي رحت ابكي لأني تعبت من جفاف خواتي معاي ثاني يوم سيرت على امي و انا متضااااايقه و مكتومه قلت لامي كل شي قاعد يحصل و بكيت و تعبت جد قامت امي حضنتني و قالت لي كلمه وحده مستحيل انساها قالت شوفي يا يمه لا تبينين سعادتج لأحد لو انهم خواتج ',,,,, وصاة امي لي كانت صح حاليا هم اللي يسولفون عن ازواجهم حطلي و جابلي و قالي و انا ساااااكته عن سيرة زوجي راح مني الطيبه قبل كنت على نياتي اسولف انهم خواتي اقولهم الاخبار السعيده و الحزينه لي علبالي بيفرحون لفرحي و يحزنون لحزني لقيت غيره و حسد يا بنات نصيحه لكل وحده لا اختج و لا رفيجتج و لا جارتج و لا ولا احد بيفرح ان كنتي انتي اسعد منه و الناس ما يملي عينها شي والله انها تجي ايام برووووود مو طبيعي بيني و بين زوجي اشتهي اتهاوش معه على مواقف تافهه و احس مالي احد عقب خواتي بس جد قاعده اخسرهم عشان رجال و انا وحده ادري ان الرجال كلهم مالهم امان و لا يستاهلون اخسر احد لعيونهم بس شسوي اتطلق عشان ارضيهم ادمر حياتي عشانهم ،،، انا حاسه هالمشكله مالها حل بس كنت بفضفض ما اقدر ادق على رفيقاتي و اشكي من خواتي اللي المفروض هم عزوه مو حسد و تجريح و اقول لكل وحده تستخف بموضوعي و تشوف اني غلطانه بموضوع غيرة الخوات اقولها شي واحد عساج ما تجربين لأن فعلا تعب تعب تعب والله