السلام عليكم
ببداء بذكر مشكلتي
واتمنى انكم تشورون علي وتعتبرون نفسكم مكاني
مشكلتي مع زوجي هي الغيره والشك الزاااااايد فيني
غلطتي من اول ماتملكت وكلمنا بعض عرفت طباعه
من اسالته وتحقيقه معي من تكلمين ومن هي وش تقرب لك وكم دقيقه كلمتيها
هو يشتغل في الاتصالات يبي يقارن كلامي مع صفحة الفواتير ويدخل على السستم من عنده في الدوام وقارن واشياء ثانيه تدل على شكه فيني
ولا قلت لاهلي شي عن حركاته المهم تزوجنا بداء يقولي غطي عيونك وغطيتها بعدين قال لا البرقع
مايصلح لبست نقاب اسلامي وقعد يفتشل سجل المكالمات وياسواد ليلي لو مسحت السجل
قالي البسي دسوس وشرابات بس بذي ماطعته ولا عطيته وجه مع انه مو ملتزم
ووبعد لا طلعنا السوق او تمشينا بالسياره لاتناظرين المحلات
ولالالازم بعد كل ماطلعنا يقول لي انت تناظرين الرجال الفلاني احيانا صحيح اكون اطالع بس اصد بسرعه يعني من دون قصد اني اطلعه
واحيانا مادري من يقصد لاني ماناظرته يمكن اناظر نفس الجهه وهي يفكرني اناظر الرجال
هذا غير اي مكان لازم اطلع معه ولا مع امي مع خواتي او احد ثاني لا طبعا
وعلى هالحال لمدة 3 سنين
اليوم كنت في بيت اهلي لان هم بديره وانا بديره وخذا اجازه ورحنا لهم
المهم راحت امي المغرب وشرت لها قمصان للبيت وطلعن ضيقات وقالت لي روحي رجعيها
لانها تعبانه وكسلانه وانا كنت ابي الصيدليه قلت لها طيب
بدق على فلان اقوله ودقيت من جوال اخوي و ما رد لي
قلت لاخوي خلاص ودني قال طيب
وحنا طالعين الا اشوف سيارته قلت لاخوي ناده بقوله
وجا وقلت كذا وكذا
قال اجل انا بوديك قلت طييييب
ورحت واستلم التحقيق من شرا القمصان من راح مع امك
وليه ماقلتي لي
المهم وصلنا للمحل ويسال راعي المحل اليماني
منك ذوي القمصان قال ايه قاله من جاك شراهن قاله العجووز
وزين صدقني
المهم بدلتهن ورجعنا السياره وقال وين بعد تبين تروحين
قلت له الصيدليه
قال وش تبين منها قلت حلمات رضاعه
المهم وصلنا الصيدليه قلت انزل انت اشترها
قال ليه ماتنزلين انتي اصلا انتي كذابه ماكنتي تبين حلمات
تبين شي ثاني يوم رحتي مع اخوك بس يوم وديتك تعذرتي في الحلمات
قلت تراك ظلمتني وقعدت اتحسب عليه وادعي ورجعني بيت اهلي
ورحت لامي وانا اصيح
وعلمتها السالفه وقعدت اقولها عن كل شي
وهي اصلا كانت ملاحظه عليه الحركات
ودقت عليه ورجع ودخل وقالو له امي وابوي اذا انت تشك فيها وماتبيها طلقها
وقعد يتعذر اني ما انظف بيتي زين واني ما اغسل ثياب اعيالي واني ازعجه بالاتصالات
طبعا كذاب لانه يلف السالفه كل ماقلت لامي عن حركاته وقالت له قالها هالكلام
والله يابنات اني حذفت اشياء كثييييييييييره بس قلت لكم على المهم
امي وابوي واخواني كلهم قالو لي تطلقي منه اذا هذي حركاته
امي اول كانت تقولي اصبري عشان عيالك بس بعد ماشافت شكه زاااايد حتى الجوال ماخذه مني
قالت لي تطلقي
وبصراحه انا بعد ماله من حركاته من زمان بس عشان اعيالي صابره ومتحمله
وهذا غير هناك في ديرتنا مايخلني اسير على احد ولا احد يجيني ويقفل الباب علي اذا راح للدوام وانا ماعندي مفتاح
يخاف اني اطلع من وراه
اما بالنسبه له ياويلي اذا فتحت بوكه ولا جواله طبعا جواله فيه رقم سري
والاب توب حقه بعد رقم سري ويحطه بالسياره
اسفه طولت عليكم
الحين ابي مشورتكم بالطلاق في ذي الحاله
بالنسبه للي اسالت عن النت ماكان راضي لي اشتري لاب توب
كان يتعذر ان ماعنده فلوس ويماطل دبرت فلوس واشتريت لنفسي
وماحط لي شبكه كنت اشبك عن الطريق الشبكات المفتوحه
واذا شافني قاعده على النت يجي يركض ويشوف وش داخله عليه ومره قالي شيلي يدك
ويجي يشووف ويفتح ايميلي ويسال من هذا ومن هذا
واحيانا ياخذ ايميلات مني عشان يتاكد
غيوره حدي @ghyorh_hdy
محررة
يلزم عليك تسجيل الدخول أولًا لكتابة تعليق.
كراسة رسم
•
الله يكون في عونك ويفرجها عليك
لآحول ولآقوة الا بالله
يختي هذي مب غيرهـ
هذا شك ومرض كمان
مالك الا الصبر والدعاء وكثرة الاستغفار
يختي هذي مب غيرهـ
هذا شك ومرض كمان
مالك الا الصبر والدعاء وكثرة الاستغفار
روزال99
•
ويقفل الباب علي اذا راح للدوام وانا ماعندي مفتاح
طيب يا اختي هو ما يقدر لا سمح الله انه ممكن يصير شي في البيت مو منيح وتطري تطلعي انتي والاولاد من البيت طيب لا سمح الله صار حريق في البيت وهذي ددنيا كيف سا عيتها رح تطلعي من البيت انتي وولادك..
الله يصبرك..
امي اول كانت تقولي اصبري عشان عيالك بس
طيب انتي شو رأيك واولادك واطفالك؟؟ ما ذنبهم
طيب يا اختي هو ما يقدر لا سمح الله انه ممكن يصير شي في البيت مو منيح وتطري تطلعي انتي والاولاد من البيت طيب لا سمح الله صار حريق في البيت وهذي ددنيا كيف سا عيتها رح تطلعي من البيت انتي وولادك..
الله يصبرك..
امي اول كانت تقولي اصبري عشان عيالك بس
طيب انتي شو رأيك واولادك واطفالك؟؟ ما ذنبهم
الصفحة الأخيرة