بسم الله
السلام عليكم جميعا
صديقتي الصدوقة اختها عندها مشكلة و تكلمنا و قلت لها ع المنتدى و وافقت احط مشكلة اختها اللي يارب تلاقون لها حل بعد الله لانها مسكينة ضاقت بها النفس
متزوجة و لها سنتان و كم شهر تقريبا
كانت بينهم مشاكل بسيطة مثل اي زوجين و لكنها كبرت و تفاقمت مع الوقت
هو من عائلة بسيطة عنده 4 اخوان و اختين و اثنين من اخوانه اللي قبله و هو اصغرهم عايشين حياتهم مع بعض بكل شي و اخر همهم المسئولية و الاسرة من الرغم ان كل واحد منهم ابو واحد ماعادا زوج اخت صديقتي حملت 3 مرات و اجهضت
هي من عائلة كبيرة و لها اسمها اخوها دكتور و اختها مدرسة و امها و ابوها بالتجارة و عمرها 23 و موظفة بشركة
اللي صار كانت تشك فيه من بداية زواجهم انه مايل ,, و كانت بس تسئلة رحت وين و مع مين و متى بترجع ,, و كل ساعه تتصل عليه متى بترجع ؟؟ كان يصير بينهم مشاكل توصل لانها تتصل ع امها او ابوها يجيون او يروحون لهم و استمروا ع هالحال و البنت كانت قبل الزواج حلووه و نحيفة الان صارت مهملة و الهالات حول عينها كانها مريضة و زادت يمكن 15 كيلو يعني و طول وقتها نايمة و اذا راحت بيت اهلها تروح مضايقة و بس تشكي او تنام ع طول اختها قالت و الله تقعد يومين نايمة او تسوي نفسها نايمة و الجوال بحضنها و زوجها عكسها تماما تماما عايش حياته و لا همه شي
هي تقول انها ثالث مرة اجهضت قالها روحي عند اهلك انا بروح عند اصحابي اليوم خميس و ببات للجمعه و الطهر امر عليكي و هي فااارت قالت انا توني راجعه من المستشفى بدل ما توديني البيت و تمرضني تقول بروح عند اصحابي قالها مافيكي شي و انا رايح رايح تبين تقعدين بالبيت لوحدك قالت له وديني البيت بقعد لوحدي
و اخوانه الاثنين تزوجوا بعد و كان عادي عندهم كشف الوجه ع بعض و في رمضان يروحون يفطرون عند امهم و مرات زوجها كان ياخذ العصير من مرة اخوه و يقول لمرة اخوة الثانية و هي رايحة المطبخ : بالله جيبي لي معاكي كذا .. هي كانت تفوورليه يكلمهم و ليه ما يقولها هي و تقوله لما يرجعون البيت ليه طالعت ع مرة اخوك كذا و مرة اخوك الكبير ليه قلت لها كذا ؟؟
و تصييير بينهم مشاكل كل اسبوع مرة مشاكل كبيرة كلها عن ( ليه يتاخر و ليه يبات عند اصحابه و ليه يكلم حريم اخوانه و ليه ما يخليها تشوف جواله و هاذي من اكبر مشاكلهم جواله .. الخ
المشكلة التي قسمت ظهر البعير قبل شهرين فتشت جواله و هو مو داري و اخذت المموري و لقت له صور مع اخوانه الاثنين و هم مع بنات و بيدهم خمر .. سوت مشاكل و صار بينها و بين عمتها كلام و قالت لها ع الصور و امه اتصلت عليه و جا لها و رجعوا البيت و قالها هاتي جوالك قالت له تبغا تمسح الصور ؟؟ تشاددوا بالكلام لما ضربها و اتصلت ع امها و جاتها و قبل شهر هالحكاية و تبي الطلاق و زوجها م اتصل ابدا و بس امه تتصل وتكلمها و اخر مرة قالت لها انتي يا عمتي تدقين لانه ولدك و انا ارد لانك عمتي لكن هو ليه ما يدق ؟ قالت يقول خليها هي من نفسها بترجع ... و الحين هو مطنش و هي ع نار تقول ما يتصل و مطنش و كانت تقول ابي الطلاااق ابي الطلاااق بس لما شافته مطنش سكتت
بنات ادري طولت لكن هاذي سنتين و بمعدل كل اسبوع مشكلة كبيرة ,, الله يفرج عليها و يعقلها و يكتب لها الخير اللهم امين و تراني ما راجعت فاذا في اخطاء املائية عدووووها
الورده روري @alordh_rory
عضوة فعالة
يلزم عليك تسجيل الدخول أولًا لكتابة تعليق.
كشة نمله
•
الله يفرج همها
الخاين مااالو حل خاصه الي مصر عالخيانه
مدامها لسا بدون بزوره عندها خيارات كثيره
والله يكتبلها الي فيه الخير
مدامها لسا بدون بزوره عندها خيارات كثيره
والله يكتبلها الي فيه الخير
خليها تهداأ وتحافظ على صحتها وتحافظ على الرقيه وتسسسسسكت وإن شا الله يرجعها لأنه هو الغلطان ولاتبادر بأي مبادرة صلح..
واذا رجعت بيتها ان شاءلله تكون ريلاكس ولا تفتعل المشاكل وغيرتها لاتطلع لان بتنقص من مكانتها،،
واذا رجعت بيتها ان شاءلله تكون ريلاكس ولا تفتعل المشاكل وغيرتها لاتطلع لان بتنقص من مكانتها،،
maryam2
•
مافي الا تطلق والله يعوضها باحسن منه اذ ماطلقت راح تستمر المشاكل ولو جابت عيال وماتغير بتنننندم
صح الطلاق موسهل بس الطلاق لوحدة ماجابت عيال سهل والله يعوضها بس لوجابت عيال راح تتوهق كل يوم مشاكل وهاوش ومدري وذاك الوقت راح تندم وتقول ليتني طلقت وماجبت عيال
صح الطلاق موسهل بس الطلاق لوحدة ماجابت عيال سهل والله يعوضها بس لوجابت عيال راح تتوهق كل يوم مشاكل وهاوش ومدري وذاك الوقت راح تندم وتقول ليتني طلقت وماجبت عيال
الصفحة الأخيرة