كرري "اللهم استودعك قلب زوجي "وخففي من غيرتك حتى ما يمل وهو لو مايحبك ماصبر على هالتصرفات منك وربي يكتب اللي فيه الخير

طيب حطي نفسك بمكانه
تخيلي لو هو اللي قاعد لك على الطالعه و النازله..
كان بتحسين ان حياتك جحيم و بالاخير بتنفرين منه
لذلك خفي شوي عليه..لا يجي يوم لا سمح الله و يطق من هاللي معيشته فيه

يا رب يا رب يرزقك بالذريه الصالحه عاجلا غير اجل

ياقلبي شي طبيعي اذا ماتبغي زوجك يناظر حريم سواء في مسلسلات او غيرها وماتوقع في وحده زوجه يناظر حريم وهي جالسه مبسوطه على الاخر الا اذا ماتحبه اوا هو مايقدر لها غيرتها وبالتوفيق يارب للجميع

شوفي ياقلبي خلك من كلام البنات اللي تقولك مريضه ومن هالكلام القليل ذوق بصراحه
لاهي اللي عطتك نصيحه تفيدك ولاهي اللي كفت لسانها عنك
وراح اقولك تجربتي وبإذن الله بتستفيدين منها
اولا شي الدعاء ثم الدعاء ثم الدعاء دائماً ادعي ربك ان الله يخفف غيرتك يارب يبعدها عنك
ثانياً اجلسي مع زوجك وصارحيه ( بس لازم يكون الوقت مناسب ورايقيين ) قولي تدري وش مشكلتي اني احبك فوق ما تتصور
لكن يخونني التعبير عن هالحب وانت تعتبرها شك ( لازم لازم يفهم ان غيرتك عليه سببها الحب مو الشك وانك واثقه فيه فوق ما يتصور لان اغلب المشاكل بتخف اذا ادرك انك تحبينه مو ماتثقين فيه )
ثالثاً ابدي اشغلي نفسك عن التفكير
مثلاً لو كنتي في سوق وشفتي بنت من اللي يرفعون الضغط حاولي تبعدين نظرك عنها ورددي بينك وبين نفسك عاد الله واكبر واذا شافها بيتزوجها
صدقيني عن تجربه هالطريقه اسمها اقناع الذات مع الوقت بتنفع حتى لو ما جابت نتيجه بالبدايه وكل ما شفتي منظر يضايقك قولي اعوذ بالله من الشيطان الرجيم واشغلي فكرك بشي ثاني
ثالثاً اي شي يحبه زوجك بالشكل الخارجي او بالتصرفات عززيه واحرصي انه يكون فيك قد ما تقدرين
وصدقيني مع الوقت بتخف شوي شوي وزي ما قلت عن تجربه وبإذن الله بتستفيدين منها

عندنا وعندك خير
إذا حصلتي حل عطيني
الله يزيل الغيرة من قلوبنا