رددي وكرري بسجودك ربي لا تجعل في قلبي غلا ولا حسد للذين امنوا .. ربي اغفر لي ولوالدي وللمؤمنين والمؤمنات والمسلمين والمسلمات الأحياء منهم والاموات واستشعري السلام الداخلي مع كثره الدعاء والدكر بتطمئن نفسك وترتاحين .. واذا شفتي شي حاول تطبقين الامتنان وتستشعرينه انا ممتنه لسعادتها .. لمنزلها لحياتها الزوجية ... الخ ومع الوقت تصيرين تفرحين وتنبسطين لنفسك وللي حولك

شوفي حبيبتي دام مو ناقصك شيء تعوذي من ابليس
يعني مرات نسمع اللي ماتزوجت تحسد المتزوجه ( عشانها متزوجه )
و نسمع العاطله تحسد ( الموظفه )
و الفقير يحسد ( الغني )
لكن انتي عندك كل شيء
يعني سفر و تسافرين ، و فلوس عندك فلوس
و مصروف عندك مصروف شهري
حاولي تلهين بأي شيء اذا طرى على بالك شيء عند غيرك عشان ما تحسدينه
اقطعي تفكيرك و فكري بشيء ثاني
لان النعمه زواله و ممكن من كثر ما تسوين هالشيء يحرمك ربي منها و ما تحصلينها بسبب حسدك
زوجك راح يمل منك ، لانه بيقول مو قنوعه عندها كل شيء و كل ما شافت عند الحريم شيء قالت ابي مثله
بيقول مو مقصر عليها لا بفلوس و لا بسفر و لا مصرف و مع ذلك لا تشكر و تبي اكثر ، ماعندها قناعه و كل اللي عندها فيه غيرها يدورونه ما حصلوه .
انتبهي حبيبتي توصلين لهالمرحله و ينفر منك
و يدور على وحده لو عطاها 100 استانست و بين بعينها
و كذلك خواتك دامهم لاحظو و قالوها لك بوجهك ( يا بخت من بكاني و بكى علي ولا من ضحكني و ضحّك الناس علي )
يعني لانهم شافو هالشيء بان و وضح فيك ف نبهوك بطرق غير مباشره ، يعني هم ستر و غطى و بيسكتون عنك ، لكن الناس الثانيين وش بيقولون ؟
راح يجي يوم لو استمريتي بهالشيء
تلاقين غيرك يورون بعضهم اغراضهم و اشياءهم
و اذا دخلتي انتي عليهم ، خشو اغراضهم
تبين هالشيء ؟
و الا يورون بعضهم شيء بالجوال و يسحبون عليك من بد الموجودات كلههم و حزتها بتحز بخاطرك .
اذا ماتبين هالامور تصير ، حاولي تقطعين اللي تسوينه
كل ما بغيتي تنامين تذكري انك تسافرين كل سنه شهر برا ، و غيرك تمر سنتين و ثلاث ما راحو لمكه
تذكري ان عندك فلوس و نعمه و مصروف و غيرك محروم و ماكول حقه .
و اذا احد وراك شيء حتى لو تقولين يبان على وجهي
قولي بصوت مسموع ماشاءالله حلو او ماشاءالله و قولي رايك بالشيء
خلي ماشاءالله على لسانك بكل شيء تشوفينه و تنبهرين فيه
حتى لو كان شيء تافهه ع الاقل ترقعين فيها اللي راح يعني حتى لو احد لاحظ انك غيرانه يصير ع الاقل سمع منك ما شاءالله
و ادعي حبيبتي كثييير ترى الدعاء بيسوي لك المعجزات بأذن الله
و الله يسعدك يارب و يعطيك حتى يرضيك

استغفررررري كثير وادعي لهم والله احسن علاج
جتني فترة شوية اغار نتفه مو كثير والله صرت ادعي لهم بالخير والله صار الخير ينكب علي كببب الحمدلله كثيرا
وتذكري في ناس ماتروح ولا تجي احمدي ربكك

اختي الغالية انتبهي الحسد كالنار يأكل كل شيء وفية اعتراض أنت بمنعمة كبيرة ولله الحمد انظري لمن هو دونك وأقل منك يكفيك نعم الله عليك في بدنك وهذي خطوة إيجابية منك تذكري نعم الله عليك واشكريها فكما ذكرتي انت بخيروالحمدلله فلما الحسد استغفري الله والحي بالدعاء أن يخلصك الله عافانا الله واياك والمسلمين من هذا الوباء القاتل
استغفرالله العظيم لي ولجميع المسلمين

اعوذ بالله .. لا والله الحمدلله ماقد جربت شعورك والله لا يبلاني