من قالوا يبون نظرة شرعية قسم بالله احلامي كلها كوابيس من الرعب
جماعتي ماعندهم نظرة شرعية لان ماناخذ الامن بعض يمكن كم بنت الي طلعوا برى جماعتنا النظرة الشرعية شي جديد وغريب علينا
الي صار خطبتني قبل شهور ام الولد وكان حلم حياتي اخذ منهم لانهم ملتزمين ولانها درستني قبل 3 سنوات في دار التحفيظ والله ماتوقعت ابد ابد انها تخطبني ومرت خطوبتنا بظروف جدا صعبة مره ابوي يرفض ومره يوافق ويماطل ومره خالتي جات لها جلطة في القلب وعقبات واجد قلت شكله مافيه نصيب كانت امه مصرة علي اصرار غريب
كان حلمي اخذ واحد هو واهله ملتزمين بدل مايكون الزواج فتنة وابعاد لي عند الدين يكون عون لي على دخول الجنة
واكون من ضمن الاية (جنات عدن يدخلونها و من صلح من آبائهم وأزواجهم و ذرياتهم)
المهم باقي التحليل فجأة دقوا قالوا الولد يبي نظرة شرعية !! الي مخوفني ان شكلي مايعجبه ويهون المشكلة ان عايلتهم ماشاء الله تبارك الله جميلين وانا حدي عادية مرره :44: :44:
مب علي مشاعري او بتأثر لاطبعا صحيح بتأثر بس مب هذا الي مخوفني
الرجال في مجتمعنا مايشوف الاامه واخواته
نفسيا مستحيل ينسى بسهولة شكل البنت الغريبة الي شافها لان شي جديد عليه
بالذات انه يعرف اخواني يعني لو ماصار نصيب وشاف احد من اخواني بيتذكرني
والله هذا الي حيييل مخوفني
بليز بنات نصحوني كيف اتصرف شنو اللبس لاتقولون بنطلون وفستاتين قصيرة او بلوزة نص كم لان ماللبسهم عند اهلي فكيف بلبسهم عند احد غريب

طموح المجد @tmoh_almgd
عضوة نشيطة
يلزم عليك تسجيل الدخول أولًا لكتابة تعليق.

هند ام فهد
•
عادي ياحبيبتي النظره الشرعيه سنه من وقت الرسول وبعدين مافيها شي اكثر البنات شافوهم ازواجهم شوفة شرعيه وبعدين لاتقولين انا عاديه ياما وحده عاديه زوجها ملك جمال ويموت فيها ماله دخل اذا ربي كاتب لك بتاخذينه بتاخذينه وبعدين اهم شي يرتاح لك واللبس البسي تنوره طويله اللبس اللي يريحك وقبل هذا كله استخيري وخلي عنك الوساوس

غاليتي إذا كان الله سبحانه وتعالى كاتبه من نصيبك فسأل الله أن يسهل أمرك ويجعلك في عيونه أجمل الجميلات
لا تخافين ولا تتوترين ما كتبه ربك هو اللي بيكون الله يوفقك
لا تخافين ولا تتوترين ما كتبه ربك هو اللي بيكون الله يوفقك

عادي اختي الله هو اللي يولف القلوب موب شرط الجمال الحب من الله يجي بدون سباب والاخلاق هي اللي تحلي البنت كم جميله مطلقه بسبب اخلاقها

النظره الشرعيه اصبحت عاديه ليش خايفه .والوالد اخبروه بحديث الرسول صلى الله عليه وسلم عن النظره الشرعيه.
والبسي زي لبس الجامعه.
الله يوفقك.ويتمم لك ع خير ولا تنسي الاستخاره
والبسي زي لبس الجامعه.
الله يوفقك.ويتمم لك ع خير ولا تنسي الاستخاره

حبيبتي الشوفة الشرعية شي مستحب بالخطبة
اول شي هدي نفسج
و ههالشي طبيعي
خلج دايما على وضوء و طهارة
اذا يتج وساوس و قلق روحي توضي و اقرائي قران
و شربي ماء مع ماء ورد يهدي الخوف
و اتكشخي
اعتني بنفسج
بشرتج
سوي لها ماسك يعطيها نضارة
اختاري ملابس حلوة و رزة
و احلا شي ميني جلابية ناعمة بتطريز خفيف
حطي ميك اب = كحل خفيف+ روج ناعم لحمي + بلاشر روز
و عطر هادي
و ابتسامة
و بتكونين روووعه
موفقة اختي و الله يسهل لج الخير يا رب
اول شي هدي نفسج
و ههالشي طبيعي
خلج دايما على وضوء و طهارة
اذا يتج وساوس و قلق روحي توضي و اقرائي قران
و شربي ماء مع ماء ورد يهدي الخوف
و اتكشخي
اعتني بنفسج
بشرتج
سوي لها ماسك يعطيها نضارة
اختاري ملابس حلوة و رزة
و احلا شي ميني جلابية ناعمة بتطريز خفيف
حطي ميك اب = كحل خفيف+ روج ناعم لحمي + بلاشر روز
و عطر هادي
و ابتسامة
و بتكونين روووعه
موفقة اختي و الله يسهل لج الخير يا رب
الصفحة الأخيرة