غيري رايك وسوي هالسلطه مثلي يم يمي يمي

السلام عليكم
ملينا من السلطات العاديه وتبون الصدق كل ما أدور بعالم حواء عن سلطة وأشوف مكوناتها باذنجان وخيار تقلب جبدي وما أكمل أحس مو لايقين على بعض (حشا بيتزوجون والا شنو؟!!!) ما أبي أطول عليكم ذاك اليوم وحده من قريباتنا جابت لنا سلطة وعجبتني وطعمها صج حلو قلت انقلها لكم عقب ما جربتها آنا بعد وعجبت أهلي
جاهزين
يلا

المقادير
باذنجان مكعبات مقلية
خيار مقطع الى مكعبات ضغيرة
طماط مقطع الى مكعبات صغيره
بصل أخضر مقطع الى قطع صغيرة
علبة نخي
خبز محمص
الصلصة: 1 علبة روب + 2 ملعقة مايونيز+ عصير 2 ليمونه+ قليل من زيت الزيتون + قليل من الملح + 1 ملعقة خل أبيض

الطريقة : تخلط مقادير السلطة كلها مع بعض ثم تضاف الصلصة وتخلط مرة أخرى

وبالعافية أتمنى تجربونها وتعجبكم

وآسفه إذا كان في أحد كاتب عنها قبلي