غيض من فيض.. 💔

بسم الله الرحمن الرحيم
السلام عليكم ورحمة الله وبركاته وبعد..
كيف حالكم اخواتي الغاليات 💚
الموضوع يمكن تافه وحله التجاهل وهذا الي انا اسويه لكن الشي زاد عن حده وزوجي بدأ يلاحظ وحتى عيالي....
إلى يقرى مواضيعي بذات عن بنت زوجي يعرف كيف أعمالها متخذه معها التغافل وتغاضي ومريحه راسي لكن الحين هيه تسوي حركات ما لها معنى..
مثال ما تجلس معنا وقلت كيفها هيه حره
ابوها يجي من برع هو يسأل عنها ويسلم ولا تكلف على نفسها وتقوم من مكانها وهذا حاز بخاطر ابوها ومتضايق منها يقول بنتي تتكبر على وأنا ارقع لها.. عشان ما يحمل بصدره عليها..
لما نجلس على الوجبه تتجهم بوجها وتسوي حركات انها متضايقه من القعده معنا وتبي تا كل لوحدها وبعد حليت هذي المشكله وصرت احط لها وجبتها بحافظة طعام.. ألقاها مثل ما هي الوجبه ما ما كله منها شي..
وإذا سلمت تسلم بدون نفس يادوب نسمع صوتها وإذا انا سلمت عليها تعطيني ضهرها وترد السلام حتى ما تكلف على نفسها تلتفت..
بتقولو وين المشكله المشكله لما يكون معك شخص عايش معك يحسسك انك غريب عنه وكله كئيب ينقلك الكئابه و يتحول مزاجك سيئ.. لا إرادي..
عجزت اغير مزاجها هل بنت.. وللعلم انا متزوجه ابوها وهيه صغيره وكانت لي ذكريات طيبه معها وهيه صغيره وبعدها تغيرت لما كبرت وكل سنه تزداد سوء علاقتنا..
انا زوجة اب ولا ودي تحبني لكن ابوها إلى منكسر من داخله يحز في نفسي اشوفه حزين ومنكسر ما فيه اب ما يحب عياله والله انه ما قصر معها ولا هو مقصر..
تعرفون ايش يقول ما باقي غير انا احب على ايدها وراسها عشان ترضى..
وسبق سوت حركه والله ربي لطف بها وجلست اكلمها هذا ابوك وأنصحهاا وقلت لا تخسريه لكن لا فائده أصبحت أكثر قسوه وأكثر تجهم نظراتها لنا حاده وكأن بقلبها بركان من الحقد علينا..
يعني ايش الحل ننفصل انا وابوها لجل ترتاح نفسها..
طيب وإخوانها كيف ما فكرت فيهم..
انا وزوجي ما فكرت فينا عشرة عمر عشان تجي هي تفرقنا لترضي غرورها وأنانيتها..
ابنة زوجي العزيزه... الله يرزقك الزوج الطيب.. و يرزقك بذريه حتى تعلمي كم هو الضنى غالي.. رجاء توقفي عن تصرفاتك الغير محسوبه هيه لن تعود عليك بنفع سوى الحسرة والندامه ولا تتمادى في الظلم.. ظلم نفسك أولا فأنا أراك حزينه شاحبه الوجه يملي لك الشيطان بأفكار ليحزنك وانا أراه قد نجح..
قال تعالى: ( إِنَّمَا النَّجْوَى مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئًا إِلَّا بِإِذْنِ اللَّهِ وَعَلَى اللَّهِ فَلْيَتَوَكَّلِ الْمُؤْمِنُونَ )المجادلة 10
انت لم تعيشي عيشة الفقراء ولا الأيتام ولم يقسوي أحدا عليك في يوم من الايام.. فلما هذا الشعور المريض..
قولي الحمدالله وبتسمي للحياه ❤️💚❤️
واستعيدي نضارة وجهك وتوريد خديك وعيشي سنك الحقيقي.. فكلما انظر إلى وجهك أشعر بالحزن عليك واسامحك وادعي الله أن يهديك قبل فوات الأوان.. ❤️
ترددت كثيرا في كتابة موضوعي وذالك لما القى بعض الردود القاسيه والتي تتعسف وتتسرع في الرد وتجرح بدون تردد.. ولكن كلَام في قلبي حبيت اطلعه واعبر عنه.. ولعلي القى نصيحه او دعاء من القلب لابنة زوجي ربي يهديها ويسخر قلبها لبوها.. ❤️
وهذا.. غيض من فيض..