تف تف ......بسم الله ارقيك من كل داء يؤذيك .....الله يشفيك الله يشفيك
تف تف .... اعوذ بقدره الله من شر مااجد واحاااذر .......
الحمد للــــــــــــــه اللذي انزل الكتاب وخلق المسببات والاسباب ..........
سمواااا ياحـــــــــــــــريم وكل وحده تحط جنبها
سله زباله وعلبه فاين وتعصب راسها لان موضوعي عن العيييييييين والحسد وانا لاحظت ان الغالبيه يشتكوون من الضيقه والاكتئاب قلت يابنت وشو له ماتفتحين موضوع تقريـــــــــــــــن فيه عالعضوات عسى الله ينفع بك .....:)
احم ....<<وان يكاد اللذين كفروا ليزلقونك بابصارهم لما سمعوا الذكر ويقولون انه لمجنون .......>>
قبل اكمـــــــــــــــــل ياحلوات <<بسم الله عليكم ودي انا قش معاكم مشكله بطت كبدي ومقلقه راحتي ومأرقتني ....وهي ليش الواحد اذا حس بضيقه وجاه خمول والانعاس قال اني محسود او فيني عين !!
وش اللي يدفعه يقول كذا ...مدري هي صارت شماعه الناس يعلقون عليها مشاكلهم ويرفضون الاعتراف باخفاقهم في امورهم الاجتماعيه ويعللون ذلك بالحسد او عيون البشر ....!!
انا ماانفي وجود العين ولا استهزاء بالرقيه الشرعيه اتكلم بموضوعي هذا عن فئه كل ماطقت براسها قالت ابي لي شيخ يقرا علي !
وتلاقينها مزعجه العالم رايحه جايه من شيخ الى مشعوذ ومن طب اعشاب الى .....؟
يابنات خفوا على انفسكم شوي ....!!
ولاتاخذكم الوساوس والشكوك الى هذي الدرجه ...بتقولون ماجربتي واللي يده بالنار مو زي اللي بالمرق ومن هالكلام....:09:
لو تشوفون العالم المحسوده والمسحورين تحمدون ربي على النعمه اللي انتوا فيها <<<يقالها تنصح
باذكر لكم امثله ماهي بجديده عليكم ...!!
1- ولد عمي يده منخوره نخر والعظــــــم راح كله ومن دكتور الى دكتور ونتايج التحليل
الاسباب مجهوله ...!!
2-وحــــده من جماعتنا متزوجه وعند اهلها من 6 سنين ماتسكن ببيتها ولاتقدر تدخله مسحوره يالله لاتبلانا كل يوم جمعه تتفاجأ بوجود ثعابين وعقارب بملابسها والمرض واضح بوجهها....!!
3-بنت حماي تجيها فترات تنشل اطرافها ولاتقوى عالمشي وتصبغات بجلدها غريبه وتشخيص الاطباء انه مرض ماله اسباب وعلاجه صعب <<<الذئبه الحمراء >>
4- عمتى توفت بعد مرور 5 سنوات كانت مقعده وهي تعاني من المرض بسبب العين ....!!
وامثله لاحصر لها ومانقول الا الحمد لله ونسال الله يعافيهم ولايبلانا ........
تخيلوا معايــــــــــــــــــــ...بس لا احد يضحك
امي اللـــــــــــــــــه يعطيها العافيه بعد ماسمعت بهذي القصص صارت بعد كل عزيمه لازم تاخذ من اثر المعزومين كل ابوهم
وتغسل الفناجيل بمويه مقري فيها وصارت تنصح كل من تسول له نفسه انه محسود وتمدح هالوصفه لصديقاتها <<يقالها مجربه وكل ليل تمترخ بالماء وتتقهوى الضحى ...قلت لها ياماما <<<هي اسمها يمه بس احب ادلعها ماما قلت الله يهداك ويطول بعمرك ترا الغسول مره وحده تكفي يعني زي التطعيمه وخلاص ...! قالت لأأ ع بالها علبه فكس ولازم تخلصها كلها .....!!
اختـــــــــــــــي الكبرى جتها وسوسه لدرجه انها ماتروح اعراس ولاتلبس يابنات ولدها الصغير
وربي مااعتقد ان ربي خلق ابشع من ذاك البزر >>>الله يخليه لها >>>بتتصفق
والمشكله لاجيت باضغط على نفسي واضمممه او ابوسه تقولي سمي على وليدي واذكري الله ...!!
تدرون يابنات اشببهه بميــــــــــن ...؟؟؟
يحي الفخراني في مسلسل الليل واخره ....!
*اختي الثانيه عندها نفس المرض موسوسه حيل ... انا وثلاث بالعايله تخصص هستره مهبل وطايحين فيها تعليق .... ذب وحش وانواع الترفيع ....!! اختي شعرها طوييييل وكثيف ...مسكتها وقلت لها ....انتي مافــــــــــــــــيه امـــــــــــــــل تشوفين فروه راسك...؟
وهي تبقق عيونها وتهاوشني ....قالت لها بنت اخوووي انتي ياعمه الظاهر يبي لك مسيـــــــــره 20 يوم عشان توصلين فروه شعرك ....!
اختي هنا كل خمس دقايق تمسح على شعرها تشوف بدأ يتساقط او لأ.....واحنا فاقعات ضحك ....المشكله ان شعرها اخشن من شعر طارق العلي ايام شبابه..!!<<فيس مشرفه تقول الله يخلف بس!!! بنت خالي ولدت بتوام وهي مسافره ورافضه تعلم احد اقنعتها بالقوه تقول للناس انهم 2 وقلت يامعتوهه انتي مريضه والا مريضه اذا توفى زوجك وسالوك الناس من وين جبتيهم وش بتقولين ..؟؟
قالت خلاص خلاص باعلم ....<<خافت:42:
صديقتي راحت لشيخ مداومه عنده تقال محسوده على دراستها والبنت ماتحس بشئ وقت القرايه وتقول الشيخ يسالني وش تحسين فيه ومدري وش اارد عليه >>بالقوه تصير محسوده .....ههههههههههههه
قلت اسمعي قولي له انك تحسين بدوخه وغثيان وتعرق عشان يكثف العلاج ويزيد عدد الجلسات يمكن فيك شي وماعرف يشخص حالتك !!:42:ابيها توسوس زياده >>
راحت المخفه <الفديغه> للشيخ وخلص القرايه وقال وش تحسين به ؟؟
قالت مااحس بشي ....!!
وتفل في وجهها ثلاث مرات قالت ايه ايه ياشيخ احس برااد وارتياح الله يجزاك الجنه !
قلت وربي لو اني مكان الشيخ لخمممت وجهك بطراق يخليك ماتخمنين ضروسك من لثـــــــــــــــتك ....!! ياوجه التبن الرجال بــــــــح صوته يقرا وماحسيتي بارتياح الايوم تفل بوجهك .......قال براد قال :09:
<<قتكوا نيله مليتوا البلد >>
اييييـــــــــــــــــــــــــ ــه يابنات ليتها جت على كذا ....!
هربت من مجتمعي وخزعبلاتهم وسجلت بالمنتدى يقالي ابي ارتقي شوي بفكري !!
تفاجات بالاحقاد والمهاترات والحسد حتى هنا
تدرون كم مره غيرت توقيعي <<<الحمد لله انكم ماتدرون يمكن تقريب 11 مره >>ايش معنى مايصير 9حطينا شريط حمل قالوا غيريه البنات اللي يبون يحملون كثير وبيحسدونك ...
حطيت صوره ولدي قالوا انتبهي من العين !!
نزلت صور بيتي قالوا احذفي الموضوع ودخلت اشيك لايكون منزله صور شاليه الوليد بالغلط وانا مدري !! كلها صاله وحمام ودرج جزم الله يكرمكم !!
مايــــــــــــــــــــــــــص ير كذا ياصبابيب وياصبايا
ارحمووووونا يرحم والدينكم
اتقوا الله فينا
هسترتوا بعقولنا
وين التوكل ياعالم
وين الايمان بالله واليقين
وين وين .......لاتقولون لازم ناخذ بالاسباب هذي وسوسه ومرض .......
الحرص زين بس مو لهذي الدرجه يابشر
اللي يسيطر فيها الشيطان على عقلك ويخليك تشكين باقرب الناس لك .....
حصنوا انفسكم ....تداووا بالقران بس مو لدرجه الهلوسه اللي وصلت لها امي واغلب قريباتي ......! يابنات شيخ بحارتنا مشطب عمارتين من جيـــــــــب الوالده الله يطول بعمرها ......ليه ......؟
يبيع عليها العسل ب 600 ريال
والماء والزيت ب200 وماخذها تجاره بعقول الناس ........!! الله يجزاه خير
ختاما ....مايستفاد من الموضوع
1- موضوعي لايتنافى مع العلاج بالرقيه للامراض العضويه والنفسيه ...!!
2-لاحد يجرب طريقه امي يمكن ماتضبط وهي تحتاج لخبره ...!!
3-لاحد يمدح اسلوبي تراني بديت اشك فيكم ...!!
4-المشرفات الغوالي تبون تودون موضوعي للمواضيع الحذوفه بدون اذني ماعندي مانع بس ياليت تثبتونه هناك عشان اكون عبره لمن لايعتبر ..!!
5-نظرا لعدم وجود قسم للشاي احب اعلمكم بشاب <بنتليز> كلمه روعه قليله فيه
وواحد حبــــــــــــــــــــــــــــ ـق يامعـــــــــــــــلم!!
الاذكــــار _المعوذات صباحا ومساء
اللالتزام باوامر الله كالصلاه والحجاب وحفظ اللسان
الاستعانه بالله وحسن الظن به
احفظ الله يحفظك
الصدقه وبذل الاموال ......داوو مرضاكم بالصدقه
اللهم لاتكلنا الى عبادك ولا الى انفسنا طرفه عيييين