غيودا وباقى البنات من تعرف ايش صار على غيداء البحرين

:44::(الله يستر عليك ياغيداء يابنت امك وابوك ويهون عليك ويلبسك لباس الصحة

انا بس حبيت اطمن على المولود وعلى صحتها :44:

\راجية رحمة ربي
والله انا ماادري عنها شيءلاني مااعرفها الا بالمنتدى بس هي معاي بالحمل وسألتها عن حالتها وقالت انا راح تأخذ طلق صناعي وانه يمكن ما تقدر ترد لانها بتروح لاهلها ولا عندها نت
وانا مشغول بالي عليها وانتظر ترد على موضوعي
وهي نفسها طلبت مني اوصل لكم الرساله انكم تدعون لها ان الله يسهل عليها بنفس اليوم اللي راحت تولد فيه

اتمنى انها تكون بصحه وعافيه وهي والبيبي وانا اسفه اني مارديت على الموضوع لان ما عندي اي خبر عنها


غيودا

الله يطمنا عليها :26:

أشكركم من كل قلبي يا أخت راجية ويا أخت غيودا ويا أخت وصايف على سؤالكم عني واللي صار لي راح أقوله لكم بالتفصيل الحمد لله آنا ولدت وياني ولد سميته حسين الله يخليه لي بس بعد معاناه وتعب رحت بتاريخ 29/12 للمستشفى لموعد الفحص وكنت في الأسبوع 38 وقررت الدكتورة إني لازم أرقد بالمستشفى في نفس اليوم بعد الظهر وثاني يوم لازم ينحط لي طلق صناعي وفعلاً حطو لي أول حبة ثاني يوم الصبح وياني الألم باليل ألم فظيع وأخذوني على غرفة المخاض طبعاً كنت في جناح الحوامل وبعدها أدور على الألم إلا راح وتميت على هذي الحالة خمسة أيام يحطون الحبة وييني الطلق بعد ما تاخذ مفعولها وبعدين يروح وادلكاترة يفحصون وينزل مني الدم وأنتو بكرامة ولما أسألهم كم سانتي أنفتحت يقولون 2 إلى أن وصلوها ل4 سم ولما يات الدكتورة الكبيرة قالت لى ولا سم أنفتحتي وبعد ساعات من الفحص وأنا أسمع اللي في الغرف اللي يمي يطلقون ويولدون وأسمع أصوات أطفالهم ونفسيتي تتحطم المهم أن هذي الدكتوة قالت أنهاراح تفحصني للمرة الأخيرة وإذا أنفتحت 4سم راح تفتح كيس الماء وتولدني
وكل هذي العسارة أن ولدي الله يحفظه راسة في الحوض لاكنه غير مستقر في عنق الرحم وهذي الدكتورة راح تساعدني وتفتح الكيس وتمسك الحبل السري قبل ما يلتف حول رقبة الطفل لاكن في آخر لحظة والألم مشتد معاي أعترض ولدي وصارت أيدينه هي اللي في الحوض وبسرعة جهزوا لي غرفة العمليات وكانت دقات قلب الطفل ضعيفة والحمد لله ولدت بعد شدة ومعاناة وهذي قصتي وسامحوني على التأخير ورديت عليكم لإني رديت شقتي من لهفتي عليكم وشوقي لكم وولدت يوم السبت الفجر الساعة 3 وألحين راح أروح وأرد لكم مرة ثانية أم زوجي قاعدة معاي
غيداء البحرين

الحمدلله على السلامة والله ما يضيع التعب أنشأالله ويتربى بعزكم .