أنــا إنسانه مثلكــن .. تجـاربي في الحياة معدودة .. لكــن أحـب أن استفيد من تجارب غيري سواء كانت ناجحه أو فاشله ...
كمـا أنني الآن أحب أن أنظر لمستقبلي نظره متفأله وأحب أن اترك ماضيي صفحة منسيه في حياتي .. إلا ما كان يسعدني فيه .. فأنني استجلبه ليومي حتى يدفعني لــغدي الزاهر –بإذن الله-
وهـا أنا اليوم أطرح لكـم نظـرتي لحيـاتي كيف كانت ؟؟ وكيف أصبحت ؟؟
في السابق كنت ظالمه نفسي تعرفون ليش ... كنت ظالمتها بقلة ثقتي في نفسي
كان أي إنتقاد يتوجه لي آخذه بعين الإعتبار ويطير النوم من عيني عشان أفكر كيف أرضي هذولا الناس <<<< ياحرام :icon33:
حتى لو كان انتقادهم مو في محله أو مجرد تحطيم بس برضه يأثر فيه .. والمشكله إني اسعى بشتى الطرق لإرضائهم وإذا أرضيتهم زعلت غيرهم خخخخ (ما أدري أضحك ولا أبكي)
وفي النهايه أنا ماني مرتاحه ... فصرت أقول لنفسي سوي اللي نفسك فيه .. مادام الناس في كلا الحالتين بينتقدونك ... بس كذا أنا ارتحت وأرضيت نفسي
لا تحسبوني بكلامي هذا إني قليلة ذوق ولا مش متربيه .. لالالا ولله الحمد .. بس صرت أعرف اللي ينتقد يبغى مصلحتي واللي ينتقد عشان يجرحني
تراني واعيه وأفكر بعقل من يومي صغيره خخخخخخ
و حتى لو أرضيت نفسي .. عمري مافكرت إني أجرح إنسان بقصد أو من دون قصد .. عمري مافكرت إني اتعدى العادات والتقاليد وقبل هذا كله شرع الله
****
الشيء الثاني
أمي الحبيبه ما شاء الله عليها إنسانه حكيمه و كنت دايما أرى قراراتها خاطئه .. دايما أقول أوف ليه كذا محد يحبني ومحد يوافق على كل شي أطلبه .. ماكنت أعرف إن هذا لمصلحتي وإنهم أكبر مني وأعرف مني
حتى لما أطلب أروح لصحباتي ... الموافقه تتبعها شروط .. وكنت أزعل
والآن أبوس الأرض اللي تمشي عليها أمي وأحمد ربي إنه رزقني هذي الأم الحكيمه الحنونه –الله يحفظها لنا-
وأقول لكل وحده عندها خلاف مع أمها روحي راضيها وبوسي رأسها وصدقيني أمك أكبر منك بالعمر وأعرف بمصلحتك ...
****
يتبــــع
عرفت كيف أمتـــع نفسي بالحلال ... اتمتع بكل لحظه أعيشها .. حتى كأس المويه .. حتى جمعتنا على سفره وحده .. وأحمد ربي على ماوهبني من نعم واتذكر غيري كثير من اللي حرمو من هالنعم
اتمتع وأحاول قد ما أقدر ماأخلي الهم يسيطر علي .. إذا طلعت بر ولا بحر أحاول انسى همومي واستانس ... وما اشغل نفسي بـشي
أفــكر في اللحظه اللي أنا فيها واتأمل مخلوقات الله .. وخصوصا إذا كنت مقابله البحر وأشوفه يلتقي مع السماء في صورة رائعه
أشوف السماء .. أشم الهواء البارد وأغمض عيوني واتخيله يمشي وسط جسمي .. إحساس رائع ... سبحانك يا الله ما أعظمك
****
الشيء الرابع
وأنا أقطع ورقة التقويم لفتتني عباره مكتوبه أسفلها ..
(أعرف الناس بالله أرضاهم بما قسم الله له) ... فكرت فيها كثيرا
سبحان الله .. الله لا يكتب لنا شيء إلا وفيه الخيره لنا ...
فربيت نفسي على الإيمان بالقضاء والقدر...
بس مـــع الأخذ بالأسبــــاب
*****
الشيء الخامس
كنت أقول فلانه تعرف معزتي لها مايحتاج أقولها
وإذا جيت بشكر أحد على معروف سواه لي ... حدي أقول شكرا
لكن الآن دربت نفسي كيف اشكر الناس وأدعي لهم وأمدح الشي اللي عملوه لي ... وصرت أحب أبين مشاعري للي أحبهم ... وكمان أحاول أنمي ثقة الناس بأنفسهم وخصوصا في الأطفال
وأشياء كثيره تغيرت فيه من أهمها زيادة ثقتي بنفسي وشعوري بالآمان والتصالح مع الذات والآخرين وحبي للإستماع للآخرين والإستفاده منهم
****
اتمنـــى تستفيدون من موضوعي وإذا إي وحده عندها تجربه مشابهه تطرحهــا .. وكلـــي آذان صــاغيـــه
تم بحمــــد الله