ـجربتي مع الحجامة

صباح الخير غالياتي ..


امس جربت هالحجامة ، وحبيت افيدكم بتجربتي..
الي كنت اعاني منه حاجتين :
اولا الام باعلى ظهري من جهة اليمين يعني احسه بالمنطقة الداخلية من تحت لوح الكتف
لما احد يمسجه لي ما ارتاح الا بالضغط ، يعني اخلي الي يمسج لي يضغط بباطن الكف على المنطقة
عشان يقدر يمسج هالمنطقة الداخلية ، ارتاح يومين وبعدها يرجع الالم
احب انبه ان الالم هذا مو نفس الملع حاد ، لا ..
الالم الي تحسين ودك احد يضغط العضلات ويفركها ، والي ياثر على وضعيات النوم
كنت من هالالم ما ارتاح اذا نمت على جنبي اليسار لازم على اليمين انام لازم ..


ثاني شي رجولي من عند الكاحل ، الاربطة الي حول المفصل هذي اذا كثرت مشي تلتهب
وتنفك رجلي احس لو ضغطتها على الارض المتني بالذات اليمين


عشان هالحاجتين طلبت الحجامة ، وجتني امس الساعة 4 ونص العصر
طلبت اني اكون ساعتين قبلها ما اكل شي ، انا احتياط جلست اكثر من 4 ساعات ما اكلت


بدت بظهري ، كل الي حسيته شد ، كان احد يمسك جلدة صغيرة من ظهرك ويشدها على برا
والم التشريط زي وخز الابرة بالتمام محتمل جدا ..
خلصت من ظهري بدت برجولي ، قالت ان ظهري ورجولي كلهم مليانات هوا بالذات الرجول جدا تعبانة


مامتي ركبها فيها روماتيزم ، اليمين كانت تحس بثقل فظيع فيها وطقطقة
سوت لها باليمين واليسار ، ومن بعدها راح الثقل وارتاحت فديت قلبها


من بعد الحجامة مباشرة ، حسيت ظهري خفيف ورجولي ، الالم ما اختفى بنسبة 100%
اختفى بنسبة 80% يعني معظم الالم راح يا رب لك الحمد ..
لا زلت احس المنطقة الداخلية ورى لوح الكتف فيها زي النغز الصغير لكن منطقة اعلى الظهر
صارت خفيفة ولله الحمد ما تالمني زي اول ..


الحجامة شخصيتها مريحة وكانت تقرا وقت الحجامة ..
سعرها للشخص الواحد 250 ريال ، وهي ساكنة بالبطحا


فاذا حبيتو تحجمون شوفو امهاتكم اذا محتاجين وان شالله تكون راحتكم كلكم
على يدها ، رقمها مقدر احطه عام ، بالخاص ..
الله يتمم لنا عافيتنا جميعا ..