مساء الخير والسرور
لكل ام يعاني طفلها من نزله معويه<اسهال او استفراغ>هذي تجربتي حبيت اعرضها لكم بعد ماشفت مواضيع كثيره لأمهات يشتكون من هذي الأعراض عند اطفالهن
واسباب الأسهال كثيره منهاسوء التغذيه واحيانا فيروس يصيب المعده واحيانا اخرى اعراض تسنين ومهما تعددت الأسباب فالعلاج واحد وحبيت اطرح تجربتي في 3من اطفالي الله يحفظهم بعد ماجربت جميع الأدويه اللي توقف الأسهال وماجابت اي نتيجه الين توصلت الى نظام واحد استمر عليه لحد مايوقف الأسهال ويبيله صبر وطولة بال وعدم اليأس ولاتخافين لونقص وزن طفلك خلال هالفتره لأنه ان شالله بيرجع يزيد بعد شفائه<<ادري طولت عليكم وقمت اهذر
عند اصابة طفلك بالأسهال او الأستفراغ
اولا>>توقفي الحليب مدة 24 ساعه
ثانيا>>تشتري محلول الجفاف من الصيدليه والكل عارفه وفيه منه جاهز وفيه منه بودره تذوبينها في المويه
خذي اللي يعجبك ويريحك وكل شوي تعطين طفلك منه
ثالثا>>اشتري علبتين سفن اب ورجيها لحد ماتروح غازاتها وخليها برى الثلاجه لحين استخدامها
واذاجاع طفلك شربيه منها
رابعا>>وقفي الاكل عنه وعطيه فقط زبادي وحطي معه ورق اللبتون اللي يجي في اكياس كل شوي عطيه
خامسا>>اعطيه سوائل فقط سوائل لمدة 24ساعه وبعد 24ساعه ابدي عطيه حليب مخلوط بنشا بس قللي كمية البودره يعني اول شي نص ملعقه بعدين زيديها بالتدريج
وبأذن الله يوم يومين وتلاقين الأسهال والأستفراغ رايح
اهم شي تواضبين على هالنظام وماتيأسين
جربوها وادعولي بالتوفيق وان الله يسخرلي ابو عيالي:arb:
وتسلمين على الموضوع الرائع