كنت اقول ان ضاقت الدنيا توسع واتساءل ليه ضاقت هالوسيعة
لين شفت الخافق اللي حب من جد وتولع يحرقه وقته وصارت ايامه حزينة
منحرف حظي واعرفه طول عمره ماتسنع من عرفت الشوق والهوى هذا صنيعه
ياحياتي حط يدك فوق هالقلب وتسمع بس لاتسال دخيلك ليه دقاته سريعه
يوم شفتك داخل عيوني نما حب وتربع يوم شفتك والحياة القاسية صارت بديعة
كيف اعيش وبعدك انفاسي بها موتي تمتع كيف واحلامي غدت دونك كوابيس شنيعة
والحزن ااااه يالحزن فيني به الخافق تشبع ليه حملني تناهيد وحمل مااستطيعه
ااااه من قلبي وانا اشوفه مع الوقت يتقطع يامر عيوني تهل الدمع وعيوني تطيعه
انت حبك غير كل الحب لو ربعه توزع كل واحد ماعشق قلبه يبي يصبح صريعه
عاد تدري لو هوى كل الخلايق لك تجمع مايجي ذرة احساسي مدام انك شفيعه
يازماني دامني ماقوى على عنادك تشجع وارسم جروحي انا بشكي لرب الشريعة
يالله انا طالبك من قلب صادق ويتضرع لايجي بيني وبينه كره واحزان وقطيعة
يالله اني طالبك وان ضاقت الدنيا توسع لين تفرج والحياة تصير بوجووووووووده وسيعة