ـــــــــــــ كيف أتعامل معهم ... وكيف اقنع زوجي : (

السلام عليكم ورحمه الله

كيفكم حبايبي ..

أهل زوجي وخصوصاً أم زوجي ( هي مو عجوز لا ماشاء الله ) ماعندها احترام للخصوصية ، اخذوا شقة الباب في الباب وقمة الإزعاج كل ساعة طق طق الباب ، حتى وقت نومي تدق بيديها ورجولها والله ماامزح مره كنت نايمة على الساعة 9 الصباح وشوي الباب يدق ومافيني اقوم افتح صراحه من البرد وشوي قامت تدق برجولها انقهررررت وقلت والله ما أفتح ، وجاتني الظهر تقول وينك ماتفتحين قلت نايمه قالت ابغى بصل :ohplease: ياهوو طيب بصل تدقين الباب بهذا الأسلوب ، وماشاء الله عندها اولاد عاطلين وصاحين والبقالة مو بعيدة في نفس الحي !!! طبعاً دائماً كذا وبعض الأوقات تدق وأكون برا وتقول ايوا عرفت انك مو في البيت شفت لمبة الحمام مطفية ( الله يكرمكم ) !!! ومره تقول اشوف النور مع فتحة باب الشقة !! وبعض الأوقات زوجي يدخل ويرد الباب بدون مايقفل والله والله يابنات تدخل عادي وتفتح الباب طيب استأذئني .. لبسي .. او انا وزوجي في وضع خاص !! غير كل ماقلت لزوجي بطلع مشوار اتمشى ( اروح امشي شوي ) يروح يقول لأهله يلا تروحون معنا .. وماكان يخليني اطلع كثير عشان اهله سبحان الله احس فيه ومانقدر نتأخر عن الساعة 10 في الليل ؟؟
صراحه شيء يقهر لكن صبرت والحمدلله الحين بنوا لهم بيت وارتاحت كثيييييير .

ومره كنت عندهم وانكب فنجان الشاي وجهها اختلف طيب عادي شاي وبينغسل !! واللي يقهر منجد زوجة ولد سلفتها تدخل بالجزمة على فراشها ولا قالت لها كلمة !! يعني معقولة الجزمة انظف .! المهم مادققت مره
كل هذا الكلام في نفسي ...
الموضوع اللي شايله همه هم بنوا بيت على شكل فلة هم كانوا بيبنون عمارة دورين لكن مدري وش غير رايهم .. المهم ولدهم زعل قال ليش مابنيتم لي ليش مخلين التصميم كذا يعني البيت مفتوح على بعضه وقاموا يسكتونه يقولون خلاص ابني الدور الثاني .. وبعدين لما جيناهم كذا نشوف البيت ونسولفوقال زوجي تعال نطلع فوق ولحقتنا قال زوجي بنسزي هنا وبنسوي هنا وبنغير شوي في التصميم .. وهي ورانا والله شوي قالت لا لا تغيرون في البيت خلوا البيت زي ماهو !!! واذا جاء عزائم الرجال فوق والحريم تحت ...! ( اللي فهمته من كلامها انه مالي حق اغير وانه البيت بيتها واحنا مجرد ضيوف ) غير انها تقول البيت بفلوس بناتي ! وعمي يقول روح ابني هنا ولاهناك !!!
الشغلة واضحة انهم حابين يستقلون .. وزوجي مو راضي يفهم هالشيء .. وزوجي يقول انا ابغى اكون قريب من اهلي .!! في سواليف كثثييير لكن اختصرت مالكم بالطويلة

بالنسبة ليه انا مو حابه الفكرة أبداُ وحابه اشتري راحتي وراحة نفسي .. لكن كيف اقنع زوجي بهالمووضوع .. ونستقل بأنفسنا !؟


...