^ـــ^ عالي الهمة لا يرضى إلا بالقمة ( همم 16 ) يقيادة الزاهده ^ـــ^

alsamt • 13 سنة

<دمعة حزن> :

مساكم الله بالخير ياعمال العماليه والله انها راكبه علينا عمال العماليه ذي المهم كيفكم نصيحه لوجه الله لاعاد تتعبو انفسكم <<معصبه خخخخخخخخخ بسم الله الرحمن الرحيم بدينا السبت اخراج المراتب وتشميسها +تنظيف تحت السراير+تغيير المفارش+تنظيف الشباك والمكيف الاحد غسيل الستاره والشباك+افراغ الدولاب وفرزالملابس +تنظيف الدولاب واعادة ترتيب الملابس وترتيب الكومدينات الاثنين ترتيب الالعاب واخراج الخربان+غسيل الارضيه +مسح الجدران والباب سويتها كلها لحد يكلمني للاربعاء مكيف غرفة العيال بعد التركيب الدولاب قبل قسم التعليق والباب مسحته والعلاقه وراء الباب مسحته كله من براء يتبع

مساكم الله بالخير ياعمال العماليه والله انها راكبه علينا عمال العماليه ذي المهم كيفكم نصيحه...

السلام عليكم ورحمة الله وبركاته
اخذت هذي الفرصة للاستراحة وتحميل بعضا من الصور المركونة

واجب هذا الاسبوع تم حله ,,,بما انه ماعندي غرفة اطفال ,,,
ملابسهم رتبتها الاسبوع اللي فات وصورتها موجودة مسبقا ,,
اليوم فكيت تلبيسة الفرش وغسلتها ,,,

201102281541

وكان عندي شوية غسيل الحمد لله غسلته وخلصت ,,,

وهذي مقتطفات من اعمال مسبقة مو عارفة ترتيب الايام

بسم الله الذي لا يضر مع اسمه شئ في الارض ولا في السماء وهو السميع العليم

هذي كمودينة صغيييرة حطيت فيها حلقان البنات واستغليت علبة خاتم مكسورة عشان افصل النوع

هنا استخدمت علب مختلفة ( كاكاو -اندومي ) ابغى اغلفهم بس قولوا ياليييل ما طولك
والفوشية ذي حق الدراجة انكسرت استفدت منها برضه
وفرزت الاقلام والمراسيم والالوان والمساحات والبرايات

وهنا مخصصة لهم درفة في التسريحة لاغراضهم الدراسية
واستخدمت كراتين الانومي بعد ما غلفتها كل كرتون فيه شي
واحد لادوات الفني وواحد للملفات والشهادات وهكذا

الاظلال بعد ما نظفتها حطيت لها نايلون عشان لا تنحاس الدنيا وتتبهذل زي كل مرة

المقصات حطيتها في علبة عطر

والخيوط في علبة عسل

استودعتكم الله الذي لا تضيع ودائعه

+3

بسماتـ • 13 سنة

دلووعه حبيبة قلبي انت الحمد لله انا طيبه وفرحانه برجعتي معاكم
وان شاء الله برجع لملف الشعر والله نفسي شعري يطول ويتحسن انا كنت اهتم فيه ورجعت اهملته

محتارة بسم الله ماشاء الله الله يديكي العافيه ياقمر
والحلا عذاب يمييي

جمر الغضى الله يسلم قلبك يارب ويبارك في ايامك على ترحيبك
الله يسعد قلبك حبيبتي

صمووته فديتك انت وتنظيمك ونظافتك الله يديكي العافيه ويرزقك ماتتمني

بنات عندي صور لكن لما جيت احطها طلعت مو واضحه والسبب اعدادات
الكاميرا بزبط الاعدادات ومرة ثانيه اصور اعمالي واحطها

ودحين كنت بروح اتقهوا وافرفر في المنتدى شويه

كرامتي عاليه • 13 سنة

هلا خواتي هذي صورة جبنة بارميزان اخيراً لقيتها شايفين هذي الوصله بس قيمتها 28 ريال

بشرتها وحطيتها في برطمان زجاج وحفظتها في الثلاجه خلاص .............سؤالي طريقتي صحيحه ؟؟

وين تنحفظ في الثلاجه تحت او في الفريزر .؟؟؟.بالله الي عندها فكره عنها تكتبها الله لايهينها

الصمت ..ام الفتيه ام عبدالملك محتاره ..ام اصاله ....شغل يفتح النفس

الله يزيدكم من نعيمه ويبارك في وقتكم وصحتكم وازواجكم واولادكم ...

حقوق ضايعه ..المرموحه ..ام منصور ...وينكم عسى المانع خير ..فاقدينكم بالمره ..

الله يسعدكم الحاضرات والغائيبات ..

زاهده ... والله العظيم اني متفشله فيك بشكل مايوصف ...لكن ابشري وانا اختك بشئ الي يسرك

الحمدلله التنظيف ماشيه فيه بس مالي نفس اصورو احمل ياخذ وقت مني وفيه اشياء كثيره من غرفة نومي مريت عليها مرور الكرام ...لأن تنظيفي مستمرفيها على طول من شان هيك مالقيت شئ اصوره

وغرفة الأطفال بكره بإذن الله وراح تكون غرفة ولدي

ام نهى1 • 13 سنة

ام ريما والله ماشاء الله تبارك الرحمن من زمان وانا معجبه فيك من مواضيعك الله يعطيك العافيه يارب
جمر الغضى عيونك الحلوه الله يسلمك
اختي الزاهده ولا تهون جميع الاخوات احب اقول لكم معلومه عني انا معلمه من 15 سنه وكنت شغاله تروح وشغاله تجي الى قبل عامين تخلصت من الشغالات اللهم لك الحمد والله اني ما حسيت بالراااااحه والطمأنينه الابعد ماراحت وفعلا عندي بنت بثاني ثانوي والثانيه بأول متوسط الله يخليهم لي والله انهم شايلين الحمل معي واعذروني على الاطاله

احبكم في الله

الحلوة 2009 • 13 سنة

.

مساء الخير .. كيفكم بنات .. الله يعطيكم العافية.

معليش دخولي خفيف .. لكني أنجز أشغالي لله الحمد.

غرفة الأطفال باقي ما شريت أثاثها .. لأن تونا ساكنين جديد

ومجلس الحريم بعد باقي ما سويناه..

طبعاً الأسبوع إلي فات خلصت غرفة النوم ..وبعدها نظفت

قسم الرجال ..ومعليش حابة أبدأ بكرة بالمطبخ لأنه مرة

محتاج تنظيف عميق ..

يالله بالتوفيق