السلام عليكم ورحمة الله وبركاته
دخول سريع
بنات الله يعطيكم العافيه يامبدعات
بدويه مدري من هو جدي عيضه انا قلت خلاص ليلة السبت لان البنات يبونها غير يوم الخميس
والعروسه تهبل هههههه الحنا خيالي
اكيد انسطتي مع الثراث متخيلتك متبرقعه وزوجك يصب لك قهوه خخخخ
وكل البنات الموعد الليله

ذاهبة
بسم الله عليك ,ليك نفس تستقبلي احد ببيتك بعد الوظيفة وتعب التنظيف .
ماشا ءالله ,انا لو مكانك بسكر الباب وممنوع الزيارات .بس اولادك ما عندهم دراسة حتى قادرين يستقبلوا اصدقائهم ؟؟


هلا هنوده عيالي يوم الخميس والجمعة إجازة فلازم يكون فيه جمعة مع الأهل أو

الأصدقاء 0

ذاهبه ...ماشاءالله الله يعافيك شغلك حلو بس الله يعينك بيتك كبير وموظفه بعد ماعندك شغاله ؟؟

هلا كرامتي عالية

لا ياقمر عندي شغالة لكن ماتلحق عيالي 7 الله يخليهم 6 منهم طلبة 0

ياحياتي انتي مشكورة على هديااك ياللي تفتح النفس وجعل الضحكه دوووم,
وان شاء الله اقدر احضر الحفل لان ليليه السبت تكون حالة استنفار بس بحاول انوم بنوتاتي بدري واجيكم كاشخه
""""""""""


بدويه ياحبي لك متعشين بالقريه النجديه ,,حتى احنا البارح فيه لايكون انتي اللي تلاحقين
ورى عيالك ومعك جل معقم
وطالع من شنطتك منظف زجاج واسفنجه عادي عادي لاتستحين اعترفي..خخخ
من جد ذا المطعم تراثي
بس احسن شي قهوتهم ياللي اول ماتدخلين تلاقين
واحد ع يدك اليسار عنده جلسه
ويزين القهوة,,انا احتجيت لانا جيناهم من قبل
قلت اكلهم كله شعبي وماني عاجزة ازين لك كل الاصناف اللي بالقائمة,
هذا يصلح للعزابيه اللي يحنون لاكل البيت
اوالسياح اللي يجون من برا السعوديه لانه يعرفهم على اكلتنا،
حتى بنتي احتجت قالت يووة يابابا مكانهم موزين كل شي قديم
والحمدلله جابت احتجاجتنا نتيجه وطلعنا ورحنا لمكان اخر.
:
:
والله يعطيكم العافيه ياسنعات والله ودي ارد عليكم نفرة نفرة على قول ام عبد الملك
بس الوقت ضيق عندي بس شفت الهديه قلت اشكر زهوده
وشفت بدويه قلت اكيد هي اللي البارح ههه

وكل اللي سألو عن بنتي الله يجزاكم جنان الفردوس
الحمدلله بنوتي بخير وتحرك يدها تمام التمام
لي عوده ان شاءالله لا قدرت ارد عليكم
جالكسي الله ييحيك يالغلا ومشكورة ياحياتي بنتي الحمدلله والشكر بخير
ماتشوفين شر

السلام عليكم ياغوالي...
كيفكم إن شاء الله تكونون بأتم صحة وعافيه....
الله يسعد كل اللي ردوا علي وكمان الله يسعد كل البنات..المتواجدات فهالعالم الرائع..
هنودة العسل ..دايم أقول الأرواح جنود مجنده ماتعارف منها أأتلف..الله يجعلنا من المتحابين فيه
أم الحلووووين..الله يقويك ويعينك ووش سالفة هالحديده ناشبه في الكرسي ولا..
الصمت تسلمين يالغلا وجعل الشر مايجيك...والله لايحرمني منكم ياأغلى الغوالي.
زهوده ..يعلم الله وش كثر أنا مشتاقه لكم..لكن ماصار عندي وقت..والاتشوفيني كل شوي مرتزه عندكم..
بس الله يجزاكم خير حطو نفسكم مكاني وقولوا لي كيف أتصرف ..انا طالبه في الصباح وموظفه العصر وعندي ثلاثة أطفال كلهم يدرسون وبيتي دورين ..وخلاص ينتهي علي اليوم وانا مرهقه وماخلصت أحيانا شغلي وغير كذا ماصرت أفضى لنفسي..نفسي ادخل معاكم اليوميات بس أحس ما أقدر ..الجلسه على النت تاخذ مني وقت..
بس اليوم شفت نفسي خلصت أغلب الأشغال ومابقى لي الا الكوي فقلت ادخل اشوف يومياتكم واسولف معكم شوي..لأني عطيت نفسي اجازة لمدة خمس واربعين دقيقة ..ومالقيت شي أحلى من أني أقضيها معكم...باقي البنات تراي أحبكم كلكم ونفسي مره أشوف أسمس فردودكم<<<<طماعة..:D