زاهدة ايش فيها جدة يا زينها غبار ورياح والحياة حلوة بس نفهمها ولو اني في الصبح اسمع اصوات يا مطافي يا اسعافات الله اعلم لا تكون مظاهرات الله يسترنا


وصباح الورد هنادي

ام ريما
صباح الخيرات والليرات ياعسل
خلاص كوب العصير عندي ,ارسله لك على اول حمامة اشوفها وعيّني خير .
الحمد لله يلي خلصت معركتك على خير وبدون خسائر بالارواح
عن نفسي لا فيني حيل ارتب بيتي مع اني مانمت لرجعت البيت الى قواعده سالما بعد العشا .
بس لازم ارتب وانظف الحمامات واغسل واكوي لذلك احسن شي اناااااااااااااااااااااام ساعة لان حيلي مهدود وبرجعلكم على خير ياقمرات

ام ريما الله يشفي الولد وسلامة بنتك بس المفروض الاستاذه تكون منتبهه وتركز على تصرفاته
هنوده قريت انه تم اخلا المدارس والوضع يخوف الله يستر عليهم

السلام عليكم ورحمة الله وبركاته
كيفكم حبيباتي ,,,

هنودة وزهودة وام ريما وباقي البنات

ام الرسام حبيبتنا ,,,أسأل الله العظيم رب العرش العظيم أن يشفيكي

من بعد الفجر كتبت لكم رد كل وحدة باسمها وانا اكتب انقطعت الكهربا وكل شي راح

ومافي حيل اعيد ابدا بتاتا البتة تأخذ وقت الردود بصراحة ,,,

ودحين بنتي جت من الروضة والدادا قالت بكرة مافيه مدرسة

وشوي التليفون يرن بنتي الكبيرة الله يحفظها قالت ماما خلي بابا يجي قالوا اخلاء مدارس

اللـــــــــــــه أعلم ايش في

دحين استغليت خروج زوجي وجيت اشوف اخباركم ,,

هنودة ,,,مافهمت عليكي حبيبتي على ايش مقاطعة كاني موجودة معاكم وأمس شفتك في محاضرة قرة
كنت بإسم أم شهد ,,,
والله يقويكي حبيبتي الحمد لله عدت العزيمة على خير كنت شايلة همك وعقبال ام ملوكي الله يبيض وجهها ويكون بعونها ,,,

من جد بنتي جاية اليوم بدري واسمع المجمع اللي جنبي ينادون على الخروج مع انهم ما بيطلعوا قبل واحدة ونص بس ايش السبب الله يستر