السلآم عليكم ورحمة الله وبركـآته..
خوآتي أنـآ عندي مشكلة بسيطة ..
بخبركم سـآلفتي وانتوا عطوني الحل..
السالفة صارت من اسبووع تقريبا..كنت مداومة بالجامعة ..وشفت صديقاتي ويلسنا وسوولفنا..
فوحدة منهن كانت تشره علي اني قطعت فهالاجازة القصيرة وجي يعني..وكنا نتكلم رواحنا بدون باقي الشلة..
المهم يلست استسمح منهآ وقالتلي انا عاذرتنج لني قلت أكيد تتجهز لملجتهـآ..أنـآ فجيت حلجي..
أي ملجة وأي خرآبيييط..يلست أظحك عليهـآ وأقولها انه مافي شي من هالقبيل..
قالت لا تغبيين والاخبار وصلتنا وانا استانست لج ومااعرف شووو..
انا صدق هنا استغربت لني اووول مرة اسمع بهالسالفة..وحلفتها تتكلم وتقووولي السالفة كلهـآ..
وطبعا السالفة منتشرة بالحارة أو الفرييج كله..والمشكلة أنها مب من نفس فريجي لآ من فريج ثاني..
وقالتلي انه واحديصيرلي من بعيييد خطبني وحددت الشخص بالاسم وأنا اعرفه هالانسان لنه تربطنا بهم صلة قرابة
واخووه مناسب عمي وهم ييرانا وخواته صديقاتي..وهالشخص صدييق ابووووي صح في فرق بالعمر امبينهم..
بس ماشاء الله الريال اتحسوونه عقله أكبر عن عمره المهم هذي مب سالفتنا..
أنا طنشت السالفة لني قلت اكييد اشاعة فالفرييج ..وبعدها بيومين كنت ااكلم خالتي بالتلفوون فتقولي خوالي<<أخوانها كانو يسألون عني
اذا انخطبت او لآ..أنا استغربت بس ماحطيت فبالي..بس هي شكت قالت لنه طول اليوم يسألون عنج ماكلمتي فلانة؟
ماقالتلج شي؟ قلتلها هم ما بسألون منه والدرب لازم شي عندهم..فقلتلها تكلم واحد من خوالي قريب منا فالعمر واتعرف السالفة كلللهـآ..
وسألته وقالها نفس القصة الي قالتها ربيعتي وحدد الشخص بالاسم وأنه هلي موافقيين وقربوووهم..
انا هنا تخبلت ليش محد خبرني او شاورني..وعلى اي اساس وافقوا..مع ان هلي متعلمين ومب كبار فالسن لني انا البجر
والحمدلله ديمقراطيين وعاطينا حرية الراااي والتعبير.. فسرت سألت الوالدة إذا حد يا يخطب عندنا..
هي استغربت السالفة وقالتلي لآ وأكييد اشاعة..بس انا ماحددتلها الشخص بس تكلمت بشكل عام..
لنه بيني وبينكم صرآحة استحييت اذكره بالاسم..لنه دايما ايينا فخفت الوالدة تعتقد اني اباه او فخاطري..
بس هيي طمنتني وقالت مستحيل يكون شي من هذا صاير..ولو صار بخبرني ابوووج..
مع العلم ان ابووي رد غيره منهم ولد عمي وأخو حرمة خالي اللي اتقدملي مرتيين ورفظوووه..
وطبعا كل هالسوالف أنا ماعندي علم بها..يعني الناس اييوون يخطبون وهلي يردونهم..
ودايما يقولي مابزوج ليبن ماتخلصين الجامعة واحين باقلي سنة ونص..
صراااحة مب عآآرفة..يعني هلي ماقالو شي..والرمسة منتشرة فلفريييج..
خصوصا من نغزات الحريم وكلآمهن..جنه خلاص باجر بعرس..
والله مقهوورة من السالفة.. أنا خايفة هلي يكونووون ردو عليهم وسكتوا على اساس لين مااخلص من الجامعة..
وعبالهم محد بعرف..وهم مايدرون أن السالفة منتشرة فالفريج عندنـآ..
الصرآحة مب عارفة كيف اتأكد ولآ منوو أسأل..والله هالسالفة منغصة عيشتي..
لني مب محطية فبالي فكرة الزواج ولاشي..واباهم يخلصون الموضووع ومايطولون السالفة وهي قصيرة..
ويردون ع الناس اللحين ويقولوولهم مافي نصيب..
ساعودني شو اسووي؟
بنت القطارة @bnt_alktar
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
غاليتى لو راح نسمع كلام الناس راح نتعب مرة انتى انتبهى لدراستك وشيلى الموضوع من راسك
ابقول الك سالفه وحدة اعرفها طلعوا الناس عنها انها انخطبت لفلان وابوها رده علشان علان ومن اقاربها الى طلعوا الكلام اهم شئ البنت واثقه من ابوها 100%فلما سالته قال كذب من قاله
ومرة جاهم ناس زيارة مفاجئه والجيران ما يعرفونهم ما اغربت الشمس الا هم ناشرين ان فلانه انخطبت يعنى شفتى مو انت فقط