العريكه !!!!!!
نعم انها العريكه ,,
اتتسألون ماهي العريكه ؟؟؟
انها بحسنها تزينت وتبخترت وتحلت بالسمن والعسل ,,انها التي سحرت بحسنها وطيبها بطون الرجال قبل عقولهم ,,
انها التي يتسائل الخاطب عما اذا كانت تجيدها مخطوبته قبل ان تجيد ماسواها,, انتهى!!
تسلم أناملك يابنت الأصل على الخاطره الرائعه ,,,
بعد هالمقدمه نبدأ بمقادير العريكه وهي كالآتي,,
كأسين طحين بر ويمكن تزيدين اذا تبغين المقدار اكثر,, الحبه السوداء (حبة البركه ),,رشة ملح ,, ذرة سكر,,
ملعقه خميره فوريه على حسب رغبتك مو لازم تحطين اذا ماتبغين ,,
نحط المقادير كلها مع بعض في وعاء ,,
ونضيف ماء بالتدريج ونخفقها أو نعجنها ,,لحد مايصير الخليط لاهو ثقيل ولاهو خفيف,,عاد انتم وشطارتكم ,, ونخليها ترتاح لمدة ساعه أو ساعتين ,,
نحط الصاج عالفرن عشان يحمى ويصير حار ,, وبعدين ندهنه بالزيت ,, ونصب العجينه عالصاج,,
نفرد العجينه بها الشكل على حدود الصاج,,
بعد مايصير شكل العجينه بها الشكل نقلبه عالوجه الثاني,,
معليش الصاج مسكين رايح فيها من كثر الاستخدام,,كانكم ما شفتم شئ ,, استروا ماواجهتم,,
بعد ماتستوي من تحت وفوق ,, نأخذها ونعركها عركاً مبرحاً,,
بعدين نفردها بالحافظه ,,ونحفر بالوسط حفره ,, ونصب السمن والعسل,,
وهذا الشكل النهائي بعد مازينتها بالتمر ,,وعليكم بالعافيه,,