مساؤكم وصباحكم ذكرى... لاتنسى
واهلااا بالصبايا اللى هوون
شخباركم ان شاء الله طيبين
حبيت اطرح بهذا الفعالية الراائعة ذكرياتي وتجربني البسيطة بشغل الخرز
فانا من محبين الخياطة والتظريز بالخرز
بتكلم بشكل مبسط عن بداتي بهذا الهواية
كنت اعرف تاجرة هندية مقيمة بالكويت
وكانت تجلب بضاعتها من الهند عبارة عن
اكسسوارات وشنط وشالات وغيرها
وكانت طبعا تبيعهم بسعر خيالي كانت لما تجيب
بضاعة تتصل على اختي وبالمرة طلبت من
اختى اروح معها واشوف شنو عندها المهم لفت
انتبهي الشالات والكل يعرف اقمشة والشك
الهندي كانت روعة
وبالنفس الوقت بسيطة جدا وعجبتني الشالات
حيييل وقتها كنت طالبة والميزانية ما تسمح
انة اغامر واشتري منها وقعدت اطالع الشالات
والشغل والافكار اللى فيها كانت جدا بسيطة
بس يبيلها تفنن بالاشكال وتناسق بالالوان
المهم خطرت ببالي فكرة وقلت بما انة احنا بعطلة
صيفية ولا وراي شئ ليش ي دلول
ما اشتغلين وتجربين حظج بالشالات
طلبت من امى نروح سوق الجملة ي خخخخخخ
حتى اشتري كمية من الشالات
ورحنا واخذت مجموعة الوان ومريت على محلات
الخرز واشتريت اشكال والوان من الخرز يا الله
كانت احلى الايام وانا افتر من سوق لسوق
وامي يا حلوها مطاوعنتي
ما تتخيلون متعة ها الشئ
المهم توكلت على الله وبديت باول شال
رسمتة كانت لى هواية الرسم بس على خفيف
واشتغلت علية بالخرز وطبعا مو من اول مرة
ضبط كانت لى اغلاط كثيرة بس عادى ما يأست
دايما البداية تكون صعبة شويات وشئ طبيعي اى
عمل فى بداتية لة ايجابياتة وسلبياتة اللى يسمع
الحين يقول كلش
المصممة عذووب الصفار معانا ههههه :S_45:
ومر كم يوم وكنت مسوية تقريبا
4 او 5 شالات وعرضت شغلي على جيرانا وصديقاتي وقرايبنا
وعجبهم وشجعوني على المواصلة فية
وقدرت ابيع منهم وكانوا يطلبون منى الوان
واشكال جديدة وكنت البي طلباتهم
ومشت الشغلة معاي طول فترة الاجازة كنت
باليوم الواحد اخلص شالين والحمدلله ربحت
منهم وبصراحة كنت مبسوطة حييييييييييل بها الشغلة
لانها دخلت مزاجي وحبيتها من قلب وخصوصا
لما كنت اشوف
التشجيع من اهلى وصديقاتي والجيران
وصرت حتى على ملابسي السادة اشتغل عليها
وتتطورت الشغلة معاي من اللبس والشالات
الى عمل الكوشيات ( الخديات) وصار بيتنا كلة يلمع من كثر الخرز خخخخخخخ :icon810:
ولكن دووم الحال من المحال ما قدرت اكمل
مشواري
بسبب ضغوط الدراسة والزواج
كنت احس بالمتعة لانة من تعبي وشغلي
وهذى كل قصتي مع الخرز
وهذى بعض اعمالي البسيطة اللى محتفظة فيهم
من سنـــين لذكرى
واتمنى ما اكون طولت عليكم بالهذرة خخخخ
فى امان الله ...
ماشاء الله ..
رووعه يعطيك العافيه