قلبي على أمل :

السلام عليكم ورحمة الله وبركاته كيفكم جميعاا الي اعرفهم والجدد الله يحيهم الله يرزقكم بالي تتمنون من زمان عن التجمع يمكن من ثلاث او اربع شهور منكم من فقدني وسال عني ومنكم من دعا لي الله يجزاكم الجنه جميعاا انا في حال مايعلمه غير رب العالمين اجتمعت الدنيا من كل جهه الله يفرجها علي وعليكم من شهرين اكتشفت ان عندي الجرثومه جننتني كرهتني بعيشتي غير اعراض السحر والحسد وربي كنت اسمع فيها واقول ياربي فيه بهالزمن من يسحر مايخاف من ربه وفيه من يحسد مايذكر اسم الله ماجاء على بالي في يوم من الايام اني بعيش هالوضع اربع شهور وزياده عشتها يوم بيومه ولحظه بلحظه بكاء متواصل وخوف من لا شي واحلام مزعجه ما اتهنى بنومتي ولا اتهنى باكلي ولا بجلستي ولا شوفت احد واذا دخلت النت مالي خلق غير افتح القروب واتفرج على سوالف البنات لعلي انسى اشوي واذا سولفت وربي مجامله وكثير تكون دمعتي على خدي حتى زوجي مل مني وكل الي حولي ملوا ويارب لك الحمد على كل شي قبل يومين عطاني الدكتور صاعقه اني مستحيل احمل الا بعد ماشيل الورم اليفي من الرحم وعطاني موعد بعد شهرين وهرمون الحليب مرتفع لدرجة ينزل من صدري والبارح رحت المستشفى زادت علي الدوخه وانجن الدكتور يقول الضغط نازل مره لازم نعرف السبب وسوا لي فحوصات وتحاليل وكل يوم يطلع شي جديد الله يجعلها اجر وعافيه وتكفير ذنوب لي فتره حابسه بقلبي ماابي اشغل احد معي بس وصلت مستوى عمري بحياتي ماتصورت بوصله بناااااااااااااااااات كتبت ليه ماادري يمكن وحده اجي في بالها وتدعي من صادق احساسها توافق باب مفتوح حللوني كلكم سامحوني يمكن غلطت على وحده من غير مااقصد وربي زهدت فالدنيا كلها

السلام عليكم ورحمة الله وبركاته كيفكم جميعاا الي اعرفهم والجدد الله يحيهم الله يرزقكم بالي...

هنووووو قصيميه :

وعليكم السلام ياعمري هيوووف كلنا مبتلين بهالدنيا ومالنا الا الصبر ولاتنسين ان المؤمن اذا شاكته شوكه كفرت عنه سيئة احتسبي الاجر وصدقيني مابعد العسر الا يسر وماشفت منك الا كل خير والله يشهد دعواتي لك ان الله يشفيك ويعافيك ويرفع قدرك وان يجعل ماصابك تكفير لذنوبك ورفعه لقدرك وتمعني هالحديث وعسى الله يشرح صدرك يارب قال صلـى الله عليه وسلم: عجباا لأمر المؤمن إن أمره كله عجب لا يقضي الله لمؤمن قضاء إلا كان خيرا له، إن أصابته سراء شكر فكان خيرا له،وإن أصابته ضراء صبر فكان خيرا له

وعليكم السلام ياعمري هيوووف كلنا مبتلين بهالدنيا ومالنا الا الصبر ولاتنسين ان المؤمن اذا...