فئة من الأطفال النحاف وهزيلين البنية

السلام عليكم
هذي اول مشاركة لي في قسم الاطفال ارجو ان تقبلوني ام معكم
اولا راح اتكلم عن فئة من الاطفال صارت في الاونة الاخيرة كثيرة في المجتمع ودائما الامهات في قلق من بنية اطفالهم :04:
وهم الاطفال النحاف والهزيلين
هذولي الاطفال سبحان الله بنيتهم تكون دائما اصغر من الاطفال العاديين واكثر عرضة للامراض يعني بسرعة يمرضون مافي مناعة ابد واكلهم اقل ونموهم اقل وقلبهم وجلوسهم ومشيهم ابطيء من الاطفال واكثر تعلق بوالديهم وكثرة بكائهم وتشوفي دائما الام في حيرة وحسرة تتمنى انها تفتح معدته وتحط الاكل من كثر فقدانهم للشهية
والله ان بعضهم لو يجلس يوم كامل مايجوع ولا يبكي عكس الاطفال العاديين
وبعد معروفين بالعصبية الزايدة والحركة الكثيرة
طبعا انا كتبت هذا الموضوع لان ولدي واحد منهم الله يخليه لي ويحفضه من كل شر :04:
والله اني احيانا اتفشل من الناس كل ماشافوه يقولون وش فيه كذا نحيف انتي ما تاكلينه واحرج سوال لمن يقولون كم عمره ولمن اقولهم عمره تعالو شوفو انواع علامات الاستفهام على الوجيه
عمره الحين تقريبا 9 شهور ولا جلس ووزنه 8 كيلو وتوه بادي يقلب واللي بعمره بدو يخطون ماشاء الله
ورضاعته 70-90 مل حليب ويالله بعد طقاق كل خمس ساعات الى تسع ساعات :04:
وعظامه تحسيها مرة لينه ماهي زي الاطفال الطبيعيين
المهم يبنات راح اكتب لكم بعض الحلول والافكار
ويوميات هالولد اللي عندي معذبني احس بتانيب الضمير
كل وحدة تشتكي من طفلها بنفس المواصفات تقولي جنسه وعمره ووزنه ونوع حليبه وكيف تتعامل معاه
خلونا يد وحدة عشان صحة اطفالنا
معليش طولت ولكن من حبي للاطفال ونبغاهم اكثر صحة ونمو كتبت الموضوع
اي سوال انا حاضرة لايردكم الا الكيبورد
ودمتم بخير
والسلام خير ختام