وردة بوك @ord_bok

محررة

فائدة المحافظه على الاذكار صباحاً ومساءً مواقفكم نفيد ونستفيد .....

صراحه انا ماكنت أحافظ على الاذكار مره وحصل أني طلعت للبر انا وأقاربي وكنت وقتها في الكليه أول سنه المهم بعد صلاة المغرب كان الجو شاعري طلعنا أنا وبنات خالتي لطعوس ترجمه (كتل رمليه )ومعنا مسجل نبي نسمع شعر خالد المريخي أتوقع هذا أسمه طبعاً هذا قبل ماتطلع الجولات أوطلعت بس مانتشرت
والله ونهز الروس واالاجسام على شعره بمعنى خاشعين "لاتلمون مراهقات وكانت موضة البنات ذك الأيام والله الى يومكم هذا أذكر المقطع اللي كنت اسمعه قبل مايصير اللي صار
يقول لاتحسبنها دمعه طلعت من عيني هذي شعره داشه عيني
ويدخل الرمل في الكوتش وأقوم اخلعه عشان اطلع الرمل ونزلت رجلي الا والطامه نزلت رجلي على حاجه قرصتني وأقوم أصرخ وأبكي:icon33:ثعبان قرصني من شدة الألم وأدوخ ويجتمع الرجال ومن ضمنهم خالي وعيال خالتي يدورون عليه طيب اسعفوني ودوني أبموت :mad:وبعدين أقبضوا عليه بعدين لقوا المجرم عقرب خضراء تروع من كبرها يوم سمعت أنها عقرب موثعبان ضفيت عمري وركبت السيارة عرفت أني مراح أموت طبعاً أسعفوني زوج خالتي وخالي ونمت في المستشفى الله لايعيد ذاك اليوم ولايعيد شعر المريخي
ومن بعدها حافظت على الأذكار خاصة لم نطلع للبر دعاء بسم الله الذي لايضر...وحفظتها أخواني الصغار حتى لو يطلعون عند باب البيت وتزوجت ومازلت أحافظ عليها وأنجبت وصرت كل صباح ومساءأستودع عيالي
هذا الموقف اللي حصل لي
أم وحده من قريباتي جلست سنتين وما حملت وبعدها صارت تحافظ على الأذكار كل يوم وجلست سنه وشوي وحملت وهي اللي بنفسها تقول لي بعد الله ومحافظتي على الاذكار حملت :icon28:وأكيد مأحد يجهل فوائد الأذكار تحفظ الأنسان من كل شر
صله بين العبد وربه
تفتح أبواب لرزق
أمتثال لله ورسوله
عزيزاتي نصيييحه حافظوا على الأذكار وعود عيالكم على المحافظه عليها بعد صلاة الفجر وقبل صلاة المغرب وش بتخسرون
يالله شاركوني بمواقفكم :27:

يلزم عليك تسجيل الدخول أولًا لكتابة تعليق.

تسجيل دخول

روح متألقه • 13 سنة

الله يجزاك الف خير على الموضوع الرائع

وردة بوك • 13 سنة

يكافي من أمس ومع ذلك ولا وحده شاركت بفائدة تحتسب الأجرفيها
جزيتي خيراً يا أخت روح متألقه رفعتي معنوياتي

نورارة • 13 سنة

يكفي انها تحفظ العبد بعد الله لكن الله يهدينا
وفيه قصص كثيررره تعين بعد الله بمداومة الاذكار
جزاك الله خير و كتب المولى اجرك غاليتي


كوكيز بالحليب • 13 سنة

ودي اداوم عليها بس انا مرره نسايه

والله فوائدها كثيره وش اقول وش اخلي

يجزاك ربي الجنه يالغلا ع الموضوع