فاتح 2 سانتي ونص وعندي تقلصات في التخطيط وباقي عالولادة يومين بس..........

مرحبا كروشاااااااااااااااااااااااااااات....


اشحالكم ؟؟؟؟


المهم بدخل في الموضوع على طول .....


انا امس العصر رحت المستشفى لأن لازم اسزي تخطيط يوم وترك...امس يوم سويت التخطيط وخلصت يت الدكتورة تشوف التخطيط قالت لي ممتاز بس وااااااااااااايد عندج تقلصات انا فتحت عيوني قلت لها انا ما احس ان فيني ويع....بس احس ان بطني يشد علي بالقو على تحت ويوم جي يستوي فيني في التخطيط ترتفع درجة الويع يعني اكون مثلا 33 و34 و32 عادي يوصل 120 و110 يعني في ويع وبعدين يوم يخوز عني الشد يرجع التخطيط في الثلاثينات والعشرينات....

المهم قالت لي الدكتورة هذا يعني تقلصات....قالت لي بفحصج قلت لها اوكي المهم فحصتني طلع 2 سانتي ونص جان اتقولي يالراقية خليني اسويلج توسيع وان شاء الله بييج الويع وتربين وانت مب باقي لج الا يومين او ثلاث ايام....انا رضيت وسوت لي توسيع بس ما خليتها وايد لأن يعور يعني تقريبا فتحت الرحم من 2 ونص الى 3 سانتي ويوم طلعت ايديها شفت دم عالقفاز ....

وطلعت من عندي امي راحت عندها جان اتقول الظاهر لين الفجر بترجعون لأن الراقية فيها كل بوادر الولادة بس انا مستغربه ليش هي مب حاسة بالويع .... ومن طلعنا من المستشفى حسيت ان بدا فيني ويع يعني من الساعه 8 بالليل بدا بس لين الساعه 12 قام الويع كل ماله يخف ويتباعد....لين ما اختفى بس تم ينزل علي دم وافرازات لين الحين....

المهم قلت سالفتي حق عمتي قالت لي يمكن مافيج قوه من جي الويع عندج ما يزيد وقالت لي روحي المستشفى احسن....

منو مرت بمثل هالموقف وتعرف وحده جذي استوى فيها وياها الويع وربت طبيعي...

بلييييييييييييز فيدوني ....

شربت ماي ورد وزعفران وكلت رطب وشربت زعتر وبابونج وجرفة بس ماااااااااااااااااافي فاااااااااااااااايدة.....

وواااااااااااااااااااااااايد مشييييييييييييييييييييت هم ما في فايدة....

شو اسوي......

والسموحه منكم ادري اني طولت....


على فكرة انا مب بجر هذي ثالث ولادة لي....بس اول مرة جي يستوي فيني