فاتورة ملهى ليلي عند زوجي .. أيش العمل؟؟؟

واللّه صعبه من كل الحالتين
إذا قلتي له بيقول تفتشين من وراي وهذا طبيعه ماودنا يستنتجها زوجك ويمسكها عليك ويتغير الموقف ويصير عليك بدال مايصير عليه وبإمكانه يختلقلك مية ألف عذر
وإذا ماقلتي له هم بعد مشكله تقعدين تحرقين بنفسك وتوسوسين وهو ولا جايب خبر
لكن إذا إنتي عندك خلفيه عن فن النقاش والإقناع وحسن المحاوره واجهيه بأسلوب مايكون فيه صراخ وتكونين فيه واثقه إنك قادره تتحكمين بدون صراخ ووازني الأمور
وإن شاء اللّه الأخوات بيفيدونك بعد
اللّه ييسر لك أمرك ويفرك غمك ويستر على حياتك الزوجيه ويبعد عنها مفاتنها الدنيويه

اختي الغالية
لا تضنين في زوجك ان بعض الضن اثم
يمكن يكون داخل يحسبة مطعم او مقهى اواي شيء ثاني

شوفي انتي اتركي الفاتورة في مكان بارز في المنزل او الغرفة
حسب المكان اللي كانت فية
و من ردة فعل زوجك تعرفي اذا كان رايح هالمكان قاصد نية شينة
او انه طاح فية صدفة

لو قدرتي تكتبين اللي راح يصيران شاء الله نقدر نساعدك
اختك القمر_1

الله يكون في عونك اختي بس لازم تصارحينه بطريقه لطيفه 0 :(

حبيباتي..
أولا زوجي يعرف كل شيء في البحرين مو معقول يدخل مكان مايعرف أيش هوه ...
ثانيا أنا دخلت عيه مدخل أني جالسه أدور على مكان نروح له في البحرين وبعدين قلت له في مكان يتكلمون عنه كثير وجبت أسم المكان وزي إلي أستغرب وقال وش ذا المكان ما أعرفه وأرتبك شوي ...

أنا بقول لكم أيش راح أسوي وقولولي صح ولا غلط راح أكون زي عادتي لابسه ومنتظرته وراح أحط الفاتوره فوق الطاوله وشوف ردت فعله إذا شافها وش رايكم ؟؟

أختي في رأيي إنك ما تصارحينه وتسكتين وتحتسبين الأجر من الله..لأنك إذا صارحتيه يمكن يقلب المشكلة عليج يعني يعصب لأنك فتشتي من وراه وإنك سويتي وسويتي ويطلع عيوب الدنيا كلها فيج (وهذا حصل معاي الصراحة)..

حطي في بالك دايماً إن إنتي لك الأجر على صبرج عليه وإنه هو له العقاب من الله إذا كان يعصيه ويخونج..هذا الشي صدقيني بيهون عليج وايد (عن تجربه) والله اللي مريت فيه أنا اثقل وأصعب واللي لقيته عند زوجي أكبر من الفاتورة اللي لقيتيها عند زوجج...كنت لما أشوف هالأشياء عنده يفور دمي وينجرح قلبي بس أتعوذ من الشيطان وامسك أعصابي وأحاول أتناسى الموضوع..

حاولي تكثري من الإستغفار ومن لا حول ولا قوة إلا بالله..والله إن شاء الله بيهون عليج وكثري من الدعاء له...والله وياج إن شاء الله