فاجعتنا بالوالده والسرطان

السلام عليكم ورحمة الله وبركاته ...
اخواتي الكريمات أسال الله العلي الكريم ان يشفي مرضانا ويشفيكم ..

اخواتي انا من امس تعبانه واهلي كلهم تعبانين
اكتشف الدكتور ان الوالده فيها السرطان في المريء...

الوالده كانت تشتكي من الم عادي في المعده وكان الدكاتره يقولون هذا التهاب عادي بالمعده
لكن سبحان الله كيف الموضوع صار انها ما تقدر تبلع كويس
والاكل صار ثقيل عليها ...واكتشفو المرض

اول ما سمعت الخبر بغى قلبي يوقف وقلت الحمدلله على كل حال..
اسأل الله ان يكون هالمرض كفارة ذنوب لها وشفاء يارب.
الوالده للان ما تعرف الدكتور يقول بقولها بعد الاشعه وبعد ما يشوف انتشار المرض..

الدكتور للان ما حدد متى الجراحه ولا حدد هل بيسوي العلاج الكيميائي قبل الجراحه او بعد..

الكلام هذا كله بيتحدد بعد اسبوع ان شالله .

انا ودي اعرف اشياء كثيره منها :
هل احد تعالج من هالمرض من قبل؟؟
كيف الاثار حقت العلاج الكيميائي؟؟؟
كم تجلس الوالده في المستشفى عشان العلاج بعد العمليه ؟؟؟
هل العدوى تأثر فيها ؟؟؟

وهل العين لها سبب في المرض هذا ؟؟؟
المشكله احنا كل ما نحاول نرقي نفسنا امنا تتعب وتروح المستشفى سبحان الله ...

الرجااااااء المساعده ...اعتذر اذا كلامي مو مرتب ...بس من حر ما فيني ...