طيب يابنات خلينا نكون صريحات مافيه احد في هالزمن مايدور الرخص مع الجودة يعني زمن امهاتنا ماكان فيه الاقزاز يشترون منه ومضمون وماكان فيه غلااسعار ولاشيء يعني باختصار الامور الماديه عندهم تمام والعطورات برخص التر اب واصلية ميه بالميه قبل ندخل في دائرة الغش التجاري والان جانا وجوه فافووم باريس قالري دبنهامز وبالمناسبه ترى فافووم ودبهامز شركة وحدة وشوفوا موضفينهم مرة هينا ومرة هينا الي ابي اوصله هاليومين جايتني حالة قعاطة وانا من الزبائن المستمرين عند فافوم و وجوه وباريس قاليري وبصريح العبارة مجنونة عطورات وابي محل مضمون اشتري منه الاصلي والرخيص قالت لي وحدة على محل وشريت منه عطر دائم استخدمة والله من يوم فتحته عرفت موالاصلي خليته للمفارش ورجعت وشريته من فافووم الريحة والثبات غير يعني بصراحة نبي نفس جودة هالمحلات بس بسعر اقل يعني اللي تعرف محلات تبيع الاصلي وبسعر اقل لها دعوة بس اكرر الاصلي
طيب يابنات خلينا نكون صريحات مافيه احد في هالزمن مايدور الرخص مع الجودة يعني زمن امهاتنا ماكان...
انا رحت لمحل اسمه هريره في الظهران مول وطلبت منه عطر ماجيك حق جيرلان وقالي انه بينزل لي في السعر ... هذا وانا اصلا ما قلت له نزل لي بالسعر من الاساس ولكن لما حبيت اتاكد من الباركود ......ولما شافني اتاكد من الباركود طردني وقالي اطلعي بره اكيد انتي تشتغلين في الفافافوم او الدبنهامز انا عارفكم كلهم وسحب من ايدي العطر بجلااااافه ...
قلت له الحمد لله والشكر انا زبونه بس الحين عرفت ليه كنت بتخفضلي في السعر ...لييه ...لأنك اصلا بضاعتك مضرووووبه ولا ماهجت ومجت لما شفتني اتبحث عن الباركود ....
ولا عاااد ادخله ذا المعفن