فاقد الشيء يعطيه وبشده

انا طفولتي كانت فراااااااااااغ محد يتكلم معنا لاامي ولابوي حتى بينهم نادر مايسولفون فراغ فراغ فراغ محد يزورنا مانطلع الا قليل اليوم نفس بكرة
ولمن تزوجت وخلفت ع طول تعرفت ع الجيران اهتميت بان عيالي يخالطون الناس ويتعرفون ع اطباعهم
حرصت ان وقتهم يكون مليان حركة لعب قران سوالف محاضرات زيارات اهم شي مايعيشون الفراغ القاتل اللي عشناه

الله يفرج همك وييسر أمرك
ي عمري دام طفولتك كانت كذا سامحي ولاتشلين في قلبك ولاتفكرين تشحنينه باالهم والغم
يبيلك تعززين ثقتك بنفسك وحبي نفسك وأسعديها وطوري من نفسك من جميع النواحي الرياضة الثقافة نظام غذائك...نظام نومك
من ناحية الطاعة
عشان تقدرين تسعددين أولادك بالي تقدرين عليه
وليش خائفة من بكرا
انت احسني تربيتهم ولا عليك من شيء
طمني نفسك وريحي بالك
ربك يدبر الأمور للاحسن
بكرا يمكن يشيلونك ويعوضونك في كبر ك وعجزك. الي فعلا محتاجة فيه احد يساعدك ويعاونك🌹.

يا الله احس كل الامهات زمان كانوا قاسين ومافيه كلام حلو ولا احضان ولا حب ولا هدايا ولا اهتمام مجرد اكل ونوم وزيارة اقارب وكرف وهواش ، عشان كذا جيلنا كله معقدين وفارغين عاطفياً

صح انا زي كذا فاقده الحنان والامان ف بحكم اني لسه مو متزوجه احن على صاحباتي واخاف عليهم من قلبي ناس كثير تستغرب مني ختى واحد من دكاترتي لمن جلس يتكلم معايا يقولي ماشاء الله عليك انتي مرة طيبه وتعطي الشي الي انتي فاقده بقوه ف هذا شي جميل

انا زين ان اهلي يدروني اني حيه باقي 😂😂💔 الله المستعان من طفولتي وانا اعتمد على نفسي حتى اسوي الغلط محد يدري عنه ومشاكلي فالمدرسه محد يدري عنها ولا يوم حسيت امي ولا ابويه يهتمون فيني او يخافون علي اااخ نحنا كثار مره مشاءالله فوق ١٩ طفل مشاءالله ولا حولا ولا قوة الا بالله واهلي يحبون ناس ويخلون ناس يعني تفرقه تزوجت الحين مااحسني عروسه محد يسال عني من تزوجت بعض الاحيان ابكي ودي اشوف اهتمام وابكي كل يوم عند امي واعاتبها اسالي عني تطمني اول لدرجه امرض مايدرون عني بس يحبون يسمعون المشاكل ولا يحلونها بعدها يشمتون 😌💔 وصرت وحدانيه اكثر واكثر وانا متزوجه امر ايام شهور محد يتصل ويتطمن من تزوجة ماحسيت بفرحت زواجي ولا حسيت اهلي متمسكين فيني حتى زوجي مو متمسك فيني فاصرت وحدانيه والله يعوضني باطفال واعوضهم بكل شي ويعوضوني ياكريم