فاكتور 7

السلام عليكم ورحمه الله وبركاته انا كنت عايزه اشاركم تجربة بشعة بمعني الكلمة انا ابني دائما كان بيسخن وكان اللوز علي طول ملتهب روحت الدكاترة اطفال وأنف واذن وقالو شلية المهم نزلنا مصر عشان نشيل اللوز وعملنا تحليل سيولة للولد طلع عنده سيولة وشديدة جدااا ا الدكتورة طلبت تحليل أسمة فاكتور 7 عملناه طلع عندة وبعد كده قررنا أن احنا نحاول نعالج وعملنا تحليل وظائف كبد طلع عنده نسبة تليف بسيطة من الأدوية بسبب اللوز قررنا أن احنا نعرض الولد على دكتور دم كبير جدااا في القاهرة وفي المركز الطبي العالمي سافرنا من المحافظة اللي كنا فيها وكنا بالفعل اخدنا 11 ساعة وصلنا ودخلنا لدكتور قال الولد عندة عيب خلقي ويستحيل أنه يخف وهيعيش علي طول كده سألناه طبعا علي اللوز قال عادي يعملها بس هياخد 2 كيس بلازما أو 2 حقنة فاكتور 7 وقال تعالوا قبل العمليه بيوم واحد بس وانا بالليل هظبط روحنا للمركز وعطوه كيس واحد بلازما وتأتي يوم اتفجأنا أن دكتور الأنف والأذن بيقول اطلعوا من المركز الاسبوع اللي جاي لان معندوش وقت يعمل العملية الاسبوع ده سألنا دكتور امراض دم قال إن الولد محتاج يومين تاني قولنا خلاص ياخدهم بالمستشفى دكتور الأنف مرديش وحاول يخرجنا ونيجي مره تاني كلمنا قائد المستشفى قال لا اقعدوا ودكاترة أمراض الدم يظبطوا الموضوع المهم قعدنا وبدل ما كانوا يومين قعدونا 8 ايام وعطوا للولد 18 كيس بلازما عشان يفضل لحد الاسبوع الجاي والدكتور يفضي رغم أن فيه دكاترة امراض الدم قالو أن المفروض عطته الفاكتور ودخلوه العملية بس الدكتور الكبير مرديش عشان خاطر الدكتور التاني لما يفضا وقعد يماطل قبل موعد العمليه بيوم جه القرارات كتير مكتوب فيها مخاطر لعملية ومن المخاطر أن الولد هيموت ورفضنا نمضي وطلع كان فيه ورقه قبلها مضوا جوزي علي ورقه فاضيه وبعدها ملوهاا أن الولد هيموت واتفجأنا ومرديناش نمضي وجه دكتور التخدير وقعد يشرح مخاطر العملية وقال إنه هينزف وهيتحط علي أجهزة تنفس وممكن يموت رفضنا العملية وكنا وكنا حوالي الساعة 2 وقلنا الصبح نعمل خروج لحد ما الولد دخل مرحلة تشنج لحد ما الولد بسببهم جاله نزيف على المخ وتورمات ودخل في شبه غيبوبة ودخلوه العنايه المركزه والولد كان بالفعل بيمو ت ومش بيرد عليا نهائي وعينة وقفت ونزلت لتحت وقعدنا نصرخ عشان حد يلحقة والضغط علي جدا ابني يا جماعة كان بيموت ولولا دكتور شريف دكتور الدم و الدكاترة العنايه والأطفال الله يسترهم كان زمانة مات الدكتور المسئول عن ابشع ليلة بعمرنا هوا الدكتور الكبير محمود صلاح حسبي الله ونعم الوكيل فيك يا شيخ ربنا ينتقم منك واخيرا حد يعرف غن هالمرض او يعرف حد عايش بيه اولادي الاتنين عندهم وانا ولا بابهم عندنا