بصوا يا بنات بدون دخول في تفاصيل اوي يعني انا الحمدلله والشكر لله انفصلت واتجوزت تاني بس بعد فتره يعني بعد سنتين من انفصالي والحمدلله ربنا يباركلي في حياتي يارب
انا دلوقتي متجوزه بقالي سنه حصل حمل طبيعي الحمدلله عرفته في شهر ١ والحمدلله ربنا مرادش انه يكمل
مع ان نسبة الحمل ولاول مره في حياتي كانت مرتفعه واتضاعفت بشكل سليم بس معرفش السبب انا مكنتش اعرف انه حمل وكنت بشرب قرفه واعمل مجهود والله اعلم برضو السبب
المهم ريحت شهر والدكتور كتبلي منشطات برشام من تالت يوم الدوره(ليترزول -تكنوفيولا) وابر(فوستيمون) والله يا بنات غير التكاليف العلاج كمان متعب جداا الحمدلله يارب يجعله بفايده
المهم رحت للدكتور اليوم التاسع من الدوره وقالي البويضات تمام وحجمها حلو بس بطانة الرحم سمكها ضعيف وجايز دا سبب الاجهاضات ال حصلتلك كان سمكها ٤ملم مش هكدب عليكو نفسيتي نزلت الارض وفضلت اعيط وحزنت وبعدين رجعت تماسكت وقولت ال ربنا رايده خير
المهم خدت التفجيريه يوم ١٢ من الدوره وبعدين عملت اختبار تبويض كل يوم وحصل الجماع وبعد الابره بحاولي ٣٠ ساعه كده جالي الم رهيبيب جداا وفضل يوم لدرجة مكنتش بتحمل الجماع بحس بكهربا ف الرحم والمبايض والحمدلله الالم راح بعدين
وبدات مثبت كل ١٢ ساعه وبرشام سايكلو بروجينوفا الحبوب البيضا بس ودلوقتي بقالي اسبوع اخده الحقنه التفجيريه وبيجيلي مغص بيروح ويجي وغممان وبليل بدخل الحمام كتير جدااا وبحس ان البول احيانا محبوس🤦🏻♀️
بحكيلكوا ليه عايزه اعرف الاعراض دي عادي؟
والبرشام ممكن السبب؟
كمان حد كان عنده ضعف ف بطانة الرحم وحصل حمل ف نفس الشهر بعد العلاجات؟ لان في ناس قالولي مستحيل الشهر دا حطموني 🥺
ردوا الله يخليكوا
وربنا ححيرزق كل مشتاقه يارب ..اسفه ع الاطاله جداااا والله بس عشان تفهموني ♥️
الحمد لله (ساره) @alhmd_llh_sarh
عضوة جديدة
يلزم عليك تسجيل الدخول أولًا لكتابة تعليق.
الحمد لله (ساره)
•
رفع
(نجمه)
•
ماعندي
ربي يرزقك الحمل
بس ريحي بالك لو ماحصل حمل خلي جسمك يرتاح من الادويه والأعشاب
ودام حصل حمل معاك راح يحصل حمل أن شاء الله
ونصيحه مش كل حاجه تنقال للناس انتبهي
ربي يرزقك الحمل
بس ريحي بالك لو ماحصل حمل خلي جسمك يرتاح من الادويه والأعشاب
ودام حصل حمل معاك راح يحصل حمل أن شاء الله
ونصيحه مش كل حاجه تنقال للناس انتبهي
الصفحة الأخيرة