فاكريني انا اللي كان موضوعي 0000البارح جت هديه العيد لزوجي شوفوا من مين00 00000

السلام عليكم
كيف حالكم والله وحشتوني احب افكركم بموضوعي اللي قلت لكم عليه في رمضان واللي كثييييييييييير منكم اتفاعل معاه وطلبتوا مني ابلغكم ويش سويت فيه وهدا رابط الموضوع

http://forum.hawaaworld.com/showthread.php?


المهم حبيباتي انا سمعت كلامكم واخدت برايكم لما قولتوا لي افتحي الموضوع مع زوجك بعد العيد ولاتخربي

فرحه العيد وتنكدي على نفسك وبالفعل انتظرت شهر العيد كله وانا اقول بكره وبعده افتح الموضوع وكل ما ابغى

اكلمه شي يخرسني ويكتمني وكل هدا وانا متحمله اخلاقه وتصرفاته وفاهمه افعاله ومتحمله خروجه لمقابله

بنات وبنت الحرام اللي لاصقتله المهم قبل يومين تحديدا يوم الاثنين الساعه 6 صباحا وانا قايمه للدوام لقيت

زوجي بيلبس ويكشخ على غير العاده وانا فاهمه انه رايح يقابها في فندق لانها مثل ما قلت لكم للاسف انها

معلمه وتغيب من الدوام وتقابله ويرجعها بعد الظهر يعني بعد الدوام استغفر الله المهم وانا لسه ما قمت من

السرير وفهمت انه رايح يقابلها قمت ما مسكت نفسي وسالته قلت له فلان وين رايح رد وقال عند رجال قلت له

في هده الساعه وبهده الكشخه قال ايوا وخرج من الغرفه وانا وراه وناديته فلان جاوبني بصراحه وين رايح قالي

انتي ايش فك شكلك مانمتي زين روحي كملي نومك قلت له طيب واخرتها الى متى هده الحاله انت رايح تقابلها

صح قول الصراحه قال اقابل مين قلت تراني عارفه كل شي قال عارفه ايش قلت عارفه انك بتكلم بنات وبتقابلهم

خصوصا المدرسه اللي عايش معاها قصه غرام وميته عليك واللي انت رايح الحين تقابلها قال ايش تقولي ايش

ارجعي كملي نومك احسن لك قلت له اقولك خلصني الى فين بتوصلها وناوي على ايش معاها وانا وعيالي ايش

مصيرنا قام خصرني وقفل الباب رسلت له رساله قلت له يجيك يوم وتندم على سواتك مع بنات الحرام وما رد

المهم احتسبت امري لله وروحت المدرسه وانا في حاله الله العالم فيها ولما رجعت البيت الا وشوي وهو راجع ولا

كانه مسوي شي و انا كاني ماشفته و صليت ودخلت نمت وبس عاد اليوم الظهر سويت الغداء وحطيته وهو

جالس على خراب البيوت اقصد الانترنت وتحديدا على الشات والغرف والكلام الفاضي لاحظوا بالرغم من سواته

الااني قائمه بواجباتي وكل حقوقه اخدها خاصه الشرعي اللي نفسي ساعتها اني اطعنه في صدره او ارفسه

برجولي وبعدها اقوم وانا نفسيتي زي الزفت منه الخاين وسامحوني المهم حطيت الغداء وقلت له هيا رد وقال

وعامل فيها زعلان من هداك اليوم ما ابغى المصيبه كان الحق معاه وهو اللي يزعل اجل انا ايش اقول الله

المستعان بس عليه قمت قلت فلان قام طالع فيه قلت له شكلك كده مليت مني ومن الحياه معايا صحيح قول

الصراحه قام ابتسم ابتسامه سخريه وما رد قلت له ادا كان كدا فعلا انا مااجبرك على الحياه معايا انا ما اثقل على

قلبي من اني احس اني مفروضه على احد وعاله عليه قام نطق وقال مين العاله على الثاني انتي ولا انا

تحسبيني انا مرتاح من جلستي هده ووضعك معايا اصلا انا حتى هديك بخلص معاها كل شي وبعدها انتي قلت

له يعني علشان تاخد الثالثه هدا جزاتنا قال اي ثالثه وانتي شايفه حالتي اللي زي الزفت انا انسان منكوب

مسخوط عليه تعبت وانا ادور اي شغله مقفله في وجهي من كل باب قلت طيب وتزيد الطينه بله وتكلم بنات

وتقابلهم خاصه المدرسه هده قالي انا فين وانتي فين موعلشانها خاربه خاربه ايوا انا اعرف 60 واحده انتقام من

نفسي قلت انا استاهل منك كده تخوني وهل جزاء الاحسان الا الاحسان قال اها علشان احسانك هدا انا ابغى

اريحك منه وافضها سيره انتي تحسبيني راضي ان كل شي عليكي الايجار والكهرباء0000000000 والخ

تحسبيها سهله عليه حالك معايا انا ظالمك قلت له انا عمري اشتكيت ولا فتحت فمي ولا حسستك ولو بكلمه

قال مو علشان كده هدا اللي قاهرني انك صابره ومتحمله قلت يعني بطلقني قام سكت قلت له رد عليه علشان

ادبر نفسي واخد الملحق اللي عند اهلي قبل ابويا ما ياجره قال افضلك انا ما انتظر لما يجيني كلام من اهلك

قلت له حرام عليك اهلي عمرهم ما قالوا لك شي قال ما انتظر انا ابغى احس على دمي واسويها قبل يقولوها

وكلالالالالالالالالالالالالالالالالالام كثير قلناه وبالنسبه لزواجه الثالث حلف لي وقال وكتاب الله مافي نيتي زواج

ولاغيره اصلا هده السيره وهدا الصنف انا كرهته قلت طيب ليش تسايرهم وتقابلهم قال هم اللي يجوني لحدي

قلت طيب ليش تعطيهم وجه قال باخرج من اللي انا فيه قلت يعني بتتسلى معاهم وتخدعهم خاصه المدرسه

قال يستاهلوا انا ما وعدت احد بشي شايفتني وعدتها بالزواج قلت بس هي لاصقتلك وعلى امل انك تتزوجها

قال لاتكدبي الكدبه وتصدقيها واللي يرحم والديكي قفلي السيره هده قلت طيب يوم ماتنوي تطلقني علمني

علشان ادبر نفسي وصدقني انا راضيه بمصيري واقسم لك بالله اني مثل ما داخلنا بالمعروف نخرج بالمعروف

ولا هفتح فمي وهارضي بنصيبي وادا كان بتاخد العيال خدهم وادا بتخليهم معي جزاك الله خير ووقت ما تبغى

تشوفهم من حقك في اي وقت بس لا تخدعني وتخوني اصلا هده مي عيشه انا ما تحمل ولا استاهل الخيانه

منك وادا كان فيه عيب اونقص لقيته في غيري قولي والا امساك بالمعروف او تسريح باحسان وسكتنا وقمت من

عنده وبس وبعد شوي خرج من البيت وقبل يخرج طلبت منه بعض المشاوير لعيالي واغراض لروضتهم وكمان

ابغى اروح ازور اهله علشان اخته ولدت لان علاقتي باهله ممتازه خاصه امه اللي تموت فيني و ابوه والله العالم

اني احبهم من قلبي 0 قال ماني فاضي انا رايح اشوف عيالي طبعا اللي من الاولى قلت طيب بتتاخر قال ما


ادري وخرج 0 ها ايش رايكم اعدروني طولت عليكم