فالظهر كانت بنتي تمد لي ظرف....
وتبتسم بحماس....
يالله يمه شوفيه.....
طيب ياحبيتي طيب....
لا يمه الحين تكفين.....
كانت دعوه شخصيه من المدرسه
لحضور حفل يوم العلم....
وتكريم المتفوقات.....
يمه بتحضرين....
اكيد ياحبيتي ان شاءالله....
كنت عارفة اللي بيصير فالحفل بالتفصيل
من كثر ماكانت تقولي كل يوم وش كانوا يسون
وكيف الاستعدادات ....
بنتي باول ابتدائي.....
وكل صفها متفوق ماشاءالله الا ثنتين....
يمه عطونا كلنا دعوه لامهاتنا الا بنتين....
...................................................
كسروا نفوسهن (حسبي الله ونعم الوكيل)
بالليل كانت حرارتها مرتفعة ونومها غفوات
كل ما غطت تقومها الكمادات البارده.....
والا موعد الدواء....
رغم كذا.....
الصبح لقيتها مفتحة وتنتظرني بس اقولها يالله......
اول ما دخلت القاعة كانت الكراسي فل.....
والعيون مركزه عالمسرح.....
ومتوترين....اللي تهز رجلها واللي تاشر
والحركات المعروفه اللي تدل علي توتر راعيها....
والكل ينتظر....بس يسمع اسم بنته....
طبعا انا كنت اطالع الحضور لان بنتي صفوف دنيا
وهم بادين بالكبار اول....
كل ما سمعت وحده اسم بنتها....
قعدت تبكي .....وراحتلها عند المسرح
واحظنتها ......وبعد شوي
................................................
......................................................
تاخذ شهادة بنتها وتمشي بزهو بين الحضور
يتبع....
