- السلام عليكم ورحمة الله وبركاته.
كيفكم بنات وحشتوني .. عندي سؤال زي ماهو مكتوب فالعنوان كيف تواصلكم مع اقاربكم وانتو مغتربين .. الصراحه انا اللي قريبين زي خالاتي وعماتي يمكن فالشهر مره واللي بعيدين ما اسال عنهم الا لما ارجع السعوديه يعني فالسنه مره .. انا اتزوجت وعلى طول سافرت مع زوجي احس اني مقصره مع ناس كتير بس غصبا عني حتى صحباتي و بنات خالاتي وبنات عماتي سرت نادرا اتواصل معاهم واحسهم يحسبوني شايفه نفسي عليهم ولا حاسديني الله يكفينا الشر لانو حتى هما ما بيسألو عني ( لانو كم وحده من صحباتي وحتى اقاربي كانو يتمنو يتزوجو ويطلعو بره )بعد ما اتزوجت واغتربت مع زوجي ما يدرو اننا مبهدلين فالغربه الله يعيننا بس .. ووحده من بنات خالي اللي كانت دايما معايا باقلها نسيتيني خلاص ها .. قالتلي عارفه سرت احس كانك ماكنتي موجوده اصلا .. احس لما بعدت كدا سرت اعرف مين اللي صح قريب مني ومين بعيد .. اهم شي طلع كل اللي فقلبي وبس 😁
قولولي انتو زيي ولا بتتواصلو مع اقاربكم اكتر مني ؟؟
بالعكس بعد الغربة واصلت كثيررر من العيلة والارحام والصديقات القدامى
طبعا البركة في برامج التواصل فيسبوك واتساب وانستجرام وسناب
وصارت حياتنا كعيلة وصديقات كاننا عايشين ببيت واحد كل شي نعرفه عن بعض
واوقع بعد مارجع من الغربة حيقل تواصلي معاهم لاني حنشغل بوظيفة ومدارس اولادي وغيره
بس ف الغربة ماعندنا الا الدراسة وعيالي الحمدلله دراستهم هينه ومناهجهم خفيفة ماعندهم واجبات كثير مو مثل السعودية
وبالنسبة لك لاتفكري كثير في الناس والي يقولوه
الي يبغاك حياه الله يتقبلك بكل ظروفك والله مانت عاجبته بكيفه ماخليت الدنيا من الناس