فالوووووووووووووووووده

السلام عليكم ورحمه الله وبركاته

ماادري اتعرفون الفالوده ولا لا ؟؟ بس بكتب لكم المقادير ..

شفتوا شعيريه بلون النايلون ؟؟ بتحصلونه في قسم المعكرونه .. او في قسم اللي يحطون فيه الاكلات الفلبينيه

المهم باكيت شعيريه بلون النايلون

مكسرااااااااااااااااااااااااات .. كل الانواع .. من فستق .. كاجو جوز لوز والاهم الاهم تين يابس مغسوله ومنقوعه في ماء حوالي ساعه او ساعتين يكون احسن

علبه كبيره من الفواكه المشكله ...

سكر ..

ساقو منقوع من فتره (اختياري )

ايس كريم


الطريقه

حطي قدر فيه كميه لا بأس من الماء .. وانتظري الى ان يغلى الماء .

ضعي باكيت الشعيريه في الماء المغلي وانتظري الى ان ينضج وطبعا مع التحريك ..

كيف تعرفين ان نضج ؟؟ يعني بعد ربع ساعه من الغلي كلي منه اشويه وشوفي اذا نضج او لا شكل المعكرونه ..

وبعدين تصفينه من الماء .. وتحاولي بالملعقه او بالسكين تقطعينه .. يعني الشعيريه في صحن وحاولي تفرمينه مثل ما تفرمين الخظروات بالسكين ..

وبعدين تخلينه الى ان يبرد ..

نفس الشي بالنسبه الى الساقو .. تخلطين السكر مع الماء الى ان يغلي (السكر حسب الذوق) وبعدين تضيفين الساقو ويغلى الى حد النضج .. وبعدين يوضع الى ان يبرد (بس هذا اختياري )
المهم يكون ثقيل اشويه ..

بعج ما تبرد الساقو .. والشعيريه .. نخلطهم ونحط عليهم الفواكه المشكله .. لاحظي ان في علبه الفواكه المشكله عصير .. ضيفي هالعصير بعد ..

وشوفي اذا كان لازم له تضيفين السكر .. على حسب الرغبه ..

وبعدين لا تنسين المكسرات تصفينهم من الماء .. وتضيفينهم على الخليط السابق ..

وبعدين الى الثلاجه .. ساعتين او 3 ساعات ..

المهم .. لما تبين اتقدمين . اتسوين كرات من الايس كريم بالملقعه واتحطينه فوق الشعيريه او الفالوده .. او تصبين الفالوده في اكواب وكل كوب كره من الايس كريم . واي نوع من الايسكريم على راحتج .. بس الاحلى اللي بالفانيليا ..


وبالهنا ..:26: