فا جئيني باتصال

فا جئيني باتصال
قولي إنك تعشقيني
دلليني بالكلام لو غدا نصه هبال
واسحريني ياملاك وعذبيني
شرقيني وغربيني كيف ما ودّك وحدّك
شوف قدّك والا ندّك يوم اطرى في شراييني حنيني
وليش اصدّك دام عشقك في فؤادي محتويني
يحتريني ويشتريني

بشريني وابشري بصدق المقال
سابقيني للعفاف وغسليني
بنزع الغترة وارمي هالعقال
هات شالك يا غلاتي ولففيني
دثريني بين شعرك والمحال
خلي عطرك أحتويه ويحتويني
امنحيني من الزمن ساعة وصال
واكتبيني في قصيد وناقشيني


نازليني فارسك يهوى النزال
اهزميني وش يصير لو تهزميني
واسأليني وانظري عقب السؤال
من شفاتك وش يجيك ووش يجيني
ساعديني يا جواب في سؤال
جاوبيني وبين معقود الشفايف ادفنيني


يا مناتي مسكنك فوق الخيال
وكان قبلك ماعرفته مسكنيني
أسعديني وأسعدك باقي مجال
باحنيني في حنانك ذوبيني
ولا تقولي لي غرامك لي محال
والله انك لي حقيقة تعتريني

والله انك مثل شمسٍ في الزوال
تغرب بدنيا شذاها من جبيني
والله انك صرتي في عمري منال
وليت مره من ايدينك .. ناوليني
ناوليني من الأيادي لمسة فيها الإعتدال
واعزميني
بين صدرك والنحر
وريحيني


أنصفيني بين صعبك والمحال
وسايريني مثل نجمة في سحاب وأرعديني
كلميني بدون صوتك لعنبو الجوال
ما أبيه ولا يبيني ولا أبيه وما يبيني
سامريني واتركيني اهتني بطعم الجدال
في خفايا ذكرياتك لو بغيتي تذكريني
فقهيني في الحرام وفي الحلال
وافرضيني وتر في آخر سنيني
إشربيني وأشربك عذب وزلال
أتحفيني بالهدايا يا جنوني واكسبيني
ولو نويتي تقطعي شهد الوصال
ما هجرتك لو نويتي تهجريني

تعالي
وإقربي يمي .. من أفكاري .. وبوحي
خذيني إنتشال
من الوقت الأغبر من إسنيني
هاتي الأيادي
في إيديني ولا تفلتيني
ولو تشوفي إني سرحت
وفي عيونك سبحت
تكفين
في ماي عينك إغسليني ... وطهريني وأغرقيني

وأنثريني كلمة فوق عذبات الشفايف
وهاتي الترياق
ذوقي وأطعميني

وبعثريني مثل حبات المطر
وفي سيول العشق لمـّي وإجمعيني
وازرعي الفيصل لدنياك إخضرار
واحصديني ... وفاجيني بإتصـــــال
زلزلي الجوال .... وعقبه زلزليني.


,,,,

وسلامة عيونكم



منقول من دفتر اخووووي