فتاة دخلت حياتي مع زوجي

هاااي صبايا
بدخل في الموضوع على طووووول بناات ابغى مشورتكم علي والله موو عارفه ايش اسوي
اتصلت/ اتصل (والله مدري بنت ولا ولد حتى دحين مو متاكدة ) على زوجي كدا مره يرد زوجي تفتح اغاني بس ماتتكلم( طبعا وهو برا البيت موو عندي )
بعدين ارسلت رساله كاتبه والله مشتاقة اسمع صوتك يا حبيبي كتبلها زوجي طيب رد علي عشان تسمعه كتبت انا دحين صوتي تعبان ماينفع اكلمك المهم جلسوو مراسله وتكتبله انا كنت سكر لما ذقت ريقك صرت عسل وحاجات زي كدا ما ينفع اكتبها
اتصل علي زوجي وقالي بالسالفة وانوو شاك في اصحابه مسوين مقلب عليه انا في البداية قلت يمكن اصحاابه يستهبلو عليه بس لما جاا البيت وقريت الرسايل :mad2: مرره تنرفزت وكمان الاسلوب اسلوب بنت مستحيل رجال يكتب لبى قلبك وكلمات زي دي اتصلت على الرقم ع طوووول فتح الخط بس محد يتكلم قلت الو الو مافي احد يرد
شوي الا ترسل حلوووه الحركه تعطيني بنت تكلميني بس قولها لا تتوتر اكثر من كدا
مرره عصبت وقلت لزوجي انت لا تسترسل معاها وجلست اهاوش فيها
زووجي عصب لما قلتوو دي الكلمة وقال احسبك عاقله ما ادري انك زي باقي الحريم .. وقالي تفكيرك تفكير اطفال وكلمات مالها داعي

وخلاص انا رحت انام في غرفة وهو في غرفة
حسيت اني كبرت الموضوع شوية رحت اراضيه ما عطاني وجه اتكلملوو ما يرد ولا بكلمة
زعلت على نفسي هوو الغلطان موو انا ومع ذلك انا اعتذر له ايش اسوي ماعندي احد غيروو
على الظهريه اليوم ارسلت رساله هاا كيف حالك حبيبي حبيت اتطمن انك تمام <<<<<<<<مره مقهوره منها وزوجي موو حاس فيني

المشكلة زوجي مصر انووو ولد وانا متاكدة انها بنت واحاول اقوله لو انو واحد من اصحابك اول مايسمع صوتي بيعرف انوو بتصير مشاكل بيننا الا اذا هو يبغى يخرب بيتنا

شورو علي مرره محتاسه موو عارفه ايش اسوي