فتة لحم ... تجنن جربوهاااااااا

السلام عليكم

هذي الطبخه شفتها يوم الاثنين في برنامج ( مطبخ منال ) على MBC

وطبختها امس طلعت تجنن ... بإذن الله انزل لكم الصوره بكره ماني لاقية الكيبل حق جوالي ادوره وانزل لكم الصوره ... :)

اكيد مشتاقين تشوفون المقادير :30:


راح اقولكم الخطوات لأنها سهله


الخطوه الأولى

نضع قدر على النار ونخلي المويه تغلي ونضع فيها قطع اللحمه

( قطع متوسطه تؤكل بالملعقة ) و نشيل الزفرة اللي تطلع منها

ونضع بصل مقطع ارباع - هيل صحيح -دارسين - فلفل- ملح...

نخلي اللحمة تنسلق لحد ما تستوي مضبوط ...

في الوقت اللي اللحمة تنسلق نكون ناقعين رز ....

بعد ما تستوي اللحمة تصفينها من المرقه وتحطيها بصحن على جنب...

تصفي المرقه من البصل و البهارات وتحطي فوقها الرز ( اذا المرقه كثيره نقصي منها .. خليها فوق الرز ب 3 سم تقريبا و الباقي شيليه )...

نجيب مقلاة ونحط فيها 4 ملاعق سمنه او زيت وتقلبي فيها اللحمة اللي سلقناها
الى ان تتحمر و يتغير لونها وتشيليها على جنب ...

بنفس الزيت اللي قلقلنا في اللحمه نحط مكعبات خبز ونقلبها لحد ما تنشف
ونشيلها على جنب ...

نحط في المقلاة 4 ملاعق سمنه و 10 فصوص ثوم مدقوقه ونقلبها لحد ما تتحمر و يتغير لونها و نحط فوقها ملح و فلفل ابيض و نص كوب خل ابيض و نخليها تطبخ دقيقتين ( ابعدي عن المقلاة شويه لأن ريحة الخل مزعجه وهي تطبخ )..

لا تنسون الرز يروح ينحرق :16:


نجي لطريقة التقديم

في صحن التقديم نحط اول شي الخبز المحمص و نشربه بالصوص ( الثوم و الخل)

بعدين نحط الرز و فوقه نرتب اللحمة و تشربه بباقي الصوص ...

نزين الوجه بالصنوبر


و الف عاااااااااافيه على قلوبكم