فتة حمص على الطريقة اللبنانية
طبعا هاي ما بتاخد وقت ابدا ربع ساعة بتخلص اذا كان الحمص جاهز ومستوي...بس انا استانيت نص ساعة حتى استوى الحمص
المهم نروح للطريقة:
منجيب حمص و مننقعه باليل لليوم اللي بعده وبعدين منسلقه مع كمون فقط ماتحطي ملح
(طبعا ممكن تستعملي الحمص المعلب اسرع و اسهل :) )
في هذا الوقت منحمص الخبز بالفرن والكمية مثل ما انتي بتشوفي انها مناسبة (انا استعملت 3 ارغفة خبز عربي) وممكن كمان تقلي الخبز بدل ما تحمصي
وبعدين لما يتحمص كسري قطع و افرديه في طبق التقديم
بعدين نبدا تحضير خلطة اللبن : كمية لبن مثل ما بتحبي ( في ناس بحبو يغرقوا الخبز لبن و في ناس ما بحبو كثير )
مع اللبن نخلط ثوم مدقووق (حسب الرغبة) و عصير ليمون وملح
لما يستوي الحمص نضعه فوق الخبز
ثم نرشهم بكمون وملح ونخلطهم جيدا
ثم نصب اللبن فوقهم بالتساوي
بعدين منجيب لوز مقشر ومقطع (وممكن تستعملي صنوبر)
ومنقلي في زيت زيتون حتى يحمر
ونوزعه على الوجه مع الزيت كمان (يعطي نكهة لذييييذة )
يقدم ساخن وكمان بارد :)
وصحتين وعافية :)