فتحت قلبي بسالفه لها اكثر من 10 سنوات

السلام عليكم ورحمة الله وبركاته
اول شي الشكوى لغير الله مذله
ثاني شي بدون تجريح بالكلام هذا ماضي له 10 سنوات او اكثر
انا من كان عمري 13 او 14 سنه وانا من مشاكل في مشاكل تعرفت على صديقات سوء ومن بعدها وانا انسانه غيييييييييير
لا فيه احترام لوالديني ولاتقدير ولا اي انسان اقدره الكل اهاوشه والكل اتكلم عليه انسانه اظلم واتبلى على الناس اذا سمعت
شي فيه فضيحه مشيت بين الناس وفلانه وعلانه اعلمها عن البنات ماكنت استر على احد من بعدها ربي عاقبني وبلاني بولد عمي وولد عمتي
قاموا يمشون بين الناس ويقولون ندى فيها وفيها ندى تدخل شباب في البيت ندى سمعتها سيئه لدرجه ان واحد من اقاربي منع زوجته تدخل بيتنا
المهم نسينا السالفه ومن بعدها وانا انسانه ثانيه منكسره حزينه ضايق صدري احس اني بقوم واشق ملابسي من ضيقة الصدر وزاد الدلع من اهلي
وصلاة مافيه صلاه ولاعباده ولاطاعه ماكنت اعرف ربي ابداً الا يوم الجمعه بس صلاة ومن بعدها خلاص المهم بديت اسرق واخذ الشي الثمين الغالي اهلي مايقصرون
بس خلاص يدي صارت طويله وتعودت على هالشي المهم فتره بسيطه وتركته بعد ماكشفوني اهلي
تخرجت من الثانوي وجلست وتعرفت على واحد مدري كيف اقول عن غبائي وطيشي وبعدي عن رب العالمين كلمته فتره بسيطه مجرد شهر بعدها جاب معلومات عني بكل حاجه وفضحني
ونشر اسمي وعائلتي وقبيلتي خلاني انسانه ما آسوى شي تجيني اتصالات من كل مكان وربي شاهد على كلامي وبهالشهر الفضيل من بعدها خلاص انسانه حزينه بس ضايق صدري اتمنى اني ماآشوف
الناس ولا اسمع اي احد ولا ابي اتكلم مع اي احد ولا ابي احد يكلمني بموضوع نفس كذا المهم من بعدها عرفت ربي بديت اصلي صلاة وتر واتسنن واصلي الضحى والتزمت ومن بعدها بديت افكر
بالزواج اللي في عمري يتزوجون واللي عندها 2 او 3 ابي الستر وانا فضحت بنات الناس ابي الستر وانا لعبت بالحرام ابي الستر وانا انسانه حراميه ابي الستر وانا انسانه رضيت بالذل لنفسي
انخطب بس ماتتم اموري اللي يرفضني واللي انا ارفضه ( شين وقوي عين ) وافكر بالستر المهم تبت لربي توبه نصوحه وصادقه فيها وربي من بعدها تملكت على واحد الله يستر على الجميع
وتطلقت بالملكه تطلقت خلاص انتهت حياتي لدرجه ان صديقتي تقول انتي على بالك فيه احد يبيك مو من زين سمعتك وتطلقتي وصديقتي الثانيه تقول زين بيجيك احد وانتي مطلقه والثالثه تقول فيك نقص
مدري وش اقول وربي اذا شفت البنات اللي بعمري واصغر مني متزوجات ومبسوطات وربي ادعي لهم بالتوفيق واتمنى اكون مثلهم واذا سمعت ان فيه وحده حامل تمنيت اني اكون ام واسلي نفسي مع عيالي
تجيني ضيقة صدر وربي اني تبت لربي توبه نصوحا ابي الستر ابي الزوج بس خلاص فقدت الامل فضيحه وطلاق وربي دمعتي بخدي يأست يابنات ابي الستر وربي ان حياتي مافيها شي جديد
آكل نوم ونوم وآكل اقسم بالله تجيني فتره ابكي وانام احزن على حالي مافيه شي جديد بحياتي ماشاء الله صديقاتي كل يوم عندهم شي جديد بحياتهم آقاربي اللي سافرت مع زوجها واللي تتوها جايه
واللي عيدها برا السعوديه وانا من جفره لدحديره انسانه مبتليها رب العالمين وصابره قدمت وظيفه اشغل نفسي فيها ماقبلوني قدمت على جامعه ماكلموني مدري وش اسوي خلاص حسيت باليأس
وعمي اللي يكون ستر لي مطلع علي سالفه حسبي الله ونعم الوكيل وربي اني اقول الموت اريح للي نفس حالتي مشاكل ومشاكل وبعدين خلاص تعبت ابي الراحه ابي التوفيق وتيسير الآمور بس الحمدالله على كل حال
وربي اني استغفر واصلي وادعي واسوي كل شي بس ربي مو راضي علي
رجاء خاص تكلموا بآدب واللي عارفه نفسها دمها حار وبتسب وتدعي انا موناقصه
:44: