فتحي بشرتك بالزيوت الطبيعيه

السلام عليكم ورحمة الله وبركاته
بإختصار من اسبوعين قبل العيد رحت السوق (المباركيه) عشان اشتري عدة الحمام المغربي قلت قبل العيد اسوي لي حمام محترم في البيت
المهم رحت لكذا عطار عشان ادور ليفه سنعه وكلهم حاولوا يقنعوني بكريمات تبييض وزيوت شعر وانا مطنشه لأن كل هالمنتجات فيها كورتيزون وانا مقتنعه بهالكلام
ولا واحد مصري قاعد بمحل طبعا عطار سألته شنو افضل زيت ارطب فيه الويه خصوصا في الشتا الحين وقلت له لو سمحت ما ابي لا كريمات ولا خلطات زيت طبيعي انقطه على الوجه بعد الغسيل
وقال لي راح اعطيك زيوت تفتح وتصفي وتغذي البشره وقالي انتي اخلطيهم بنفسك قلت له اوكيه
وفعلا عطاني كم غرشه وراح اكتبها لكم
زيت بقدونس
زيت لوز مر
زيت مشمش
زيت بذر كتان
زيت ترمس
كل هالزيوت تخلط مع بعض بنسب متساويه يعني مثلا فنجان من كل نوع اخلطيهم في بطل زجاجي ورجيهم قبل الاستعمال جيدا زيت المشمش يفصل كثافة الزيوت مختلفه

هاتي صحن وحطي من هالزيوت بعد خلطها جيدا ملعقتين كبار افركي ويهج بالقليل منها لا تزيتين وجهك
اما الباقي اخلطي معاه ملعقه اكل فيكس واخلطيه عدل وادهني كل جسمك فيه بسرعه قبل حراره الفيكس ما تطير وترى الكميه تكفي للجسم كله ونامي فيها وتحممي ثاني يوم لو تحبين بس انا ادهن يوميا وجسمي يتشرب الزيوت عدل ومخصصه لها بجامه وما اتحمم كل يوم
بنات كلمة روعه شويه ما راح اقول جسمي فتح بس الاحلى انه صار طري ولامع بشكل مو طبيعي وحتى ويهي ماشاء الله احس انه تطرى
جربوها و شرط استمروا اقل شي اسبوع انا كل يوم احطها ويوم وترك اتغسل جسمي

ورجعت للعطار عشان اشتري لإختي نفس الزيوت لقيته مسكر بس رحت عطار جمعية العديليه ولقيت عنده الزيوت وفعلا قال لي انهالزيوت تفتح وتطري الجلد بس حب يتفلسف عليي ويزيد زيوت من عنده بس قلت له اني مقتنعه بهالزيوت
والله على ما اقول شهيدا

ويارب تستفيدون منها:27: