فترة الملجه ومشاكلها

كرررررررررامة :confused:

لالالالالالالا يا أختي أميرة الأحلام

هناك فرق كبــــيـــــر بين الكرامة والثقل !!

خليك ثقيلة في فترة الملكة فقط .... لكن بعد الزواج .... صدقيني بإذن الله ستتغير حياتك معه
لأن الحياة الطبيعية والعملية بينكما ابتدأت منذ أول ليلة تعيشون فيها معاً تحت سقف واحد !!

أنا ماألومه ان راح مع أصدقائه وربعه .... وأنت لن تقيديه في فترة الملكة .... وتتحكمين في زياراته و طلعاته .... هذا شي صعب حتى بعد الزواج !!

عندما تتزوجون سيتغير كل شي بإذن الله ... والملكة كل ما طالت كل ماكثرت مشاكلها ... طبعاً

لا تستنكرين !!

وبالنسبة للكلام الحلو .... أيام الملكة يكون الرجل ربما يستحي من هالكلام ... أو مايعرف وهذا طبيعي لأن مااحد علمنا هالكلام من قبل .... وغير انه قبل الزواج ممكن يكون الكلام من باب المجاملة ... لو زاد كلام الحب والغرام عن حدة ... اقول ربما !!

لكن بعد الزواج بإذن الله سترين أنه يقول لك كلام جميل جداً .... لأنه سيحبك الآن بصدق ومن كل قلبه .... فأنتما بعد الزواج روحين في جسد !!

أنا أعتبر فترة الملكة ..... زواج مع وقف التنفيذ !! .... أظنك تفمهمين قصدي !!

فالرجل صدقيني سيمل ويسأم من الخروج معك دائماً .... فقط إلى مطعم أو إلى السوق .... الرجل يحب حياة الإستقرار أكثر .... ويحب أن يرجع إلى البيت ويرى من تحبه بانتظاره ...
أما الملكة بالنسبة له فهي لا تعدو كونها أيام جميلة .... لكن ينقصه فـــيــــها الشي الكثـــيــــر


عموماً .... نصيحة أخيرة .... وقد نصحني بها أحد أعز أقربائي !!

مشاكلك مع زوجك دعيها من أعظم الأسرار في حياتك ... لا تطلعي أحد عليها مهما كان
لا أمك ولا أباكِ ولا حتى أخواتك ولا أعز صديقاتك ... وحليها بينك وبينه فقط ... بدون وساطات فأنتم أخبر بحياتكما !!

حتى اسمك (أميرة الاحلام) لا تجعلي زوجك يعرفه ... فلو قرأ ما تكتبين ربما يتضايق من ذلك

دمتي لمن يحبكِ ويرعاكِ
وفقك الله لما يحب ويرضى

تحياتي :27:

هاي أميره حبيبتي سامحيني ما رديت عالخاص مريت بظروف ومو ناسيه الموضوع
المهم الملجه والسعاده بيدك تبينها سودا بيضا بيدك
أشلون شوفي سالفه الديوانيه والتلفونات وسكانه مرته أساسيه في مجتمعنا والله يعينا وأذا زوجك قعد 3 شهور من غير ديوانيه أهنيك على الانجاز
شوفي أول شي أنا بالضبط كنت نفسك وكان يروح الدوواوين وأزعل شنو صار يقعد بالديوانيه أكثر لأني زعلانه
وممكن يسوي مخطط مع ربعه شاليهات وبر وحداق علشان المدام زعلانه وتوصل أنه ممكن يزعلني علشان يفتك مني
ومن الاسئله ويسرحون ربعه ويمرحون وهذا خطأ شوفي أنا كنت عروس بشهر العسل والله كان زوجي مايرجع من الديوانيه ألا الساعه 2 أو 3 بالليل وأن حصل وطلعنا يقطني بسرعه علشان يلحق عليهم حتى لو كانت الساعه1 بالليل
تخيلي وكنت أموت بس الحمد لله الوضع أختلف أنا أقول لج اشلون؟؟
1. اول الزواج الاساس ( جوزك على ماتعوديه) المسأله تحتاج طوله بال الزوج طول عمره عزابي حر قيديه ببطأ
أشلون أول شيء لاتناجرينه وايد على الديوانيه لأن كل ممنوع مرغوب وراح يعاند قولي له مثلا اشرايك أنسوي
كذا اليوم أو أنروح كذا في البدايه راح يعاند خليه ولا تزعلين دايما كلميه عادي وشيلي موضوع الزعل والكرامه
علشان تنجحين بزواجك
2. صيري لهلوبه دايما جهزي أكلك فاكهتك عصيرك شكلك مكياجك حتى لو يرجع متأخر (مع الوقت راح يقارن وراح يلقى الراحه عندك) ولا تحاسبينه بشكل مباشر عالتاخير يعني وينك ولهت عليك وتاخرت انا مزهبه لك مفاجأه وغيرها
حتى لو تطرين تقولين له أنا بطني يعورني جيب لي الدوا الفلاني من الصيدليه علشان يرجع بسرعه.
3. لازم وهذي راح تكون مع الوقت والعيال تخصصين يوم لزياره أهلك ويوم لاهله ويوم للعيال ويوم لك ويوم لربعه
وطبعا من حقه أنه يروح ويطلع مع ربعه وانتي نفس الشيء تطلعين مع صديقاتك علشان تكسرون الروتين
4. حاولي أذا كانوا ربعه متزوجين تتعرفين على زوجاتهم وأنا فشلت بهالموضوع والعيب فيهم مو فيني والله
5.أذا زعلتي وخري شويه وبعدين كلمي زوجك عادي راح ينصدم في البدايه بعدين راح يعجب بتصرفك
6.لاتنطرين من الريال كلام شوفي أحترامه وتقديره تحسين بحبه واعجابه بتصرفك وصدقيني لو ما تحسين بهالشيء
ألحين تحسينه باجر بالازمات اللي تطلع معدنه ستري عليه يستر عليك عايريه يعارج كما تدين تدان
7. أدعي ربك أن ربعه كلهم يتزوجون لأن أهم اللي راح يصيرون سكانه مرته وتفتكين لأن حريمهم راح يمسكونهم
وبالتالي ماراح تحتاجين أنك تمسكينه لأنه راح يكون عندك 24 ساعه ( عن تجربه شخصيه) بس المصيبه أذا واحد
فيهم طلق
8.ثقي أن زوجك في ديوانيه وربع زينين وهذي نعمه لأن في أزواج مخادعين وعندهم صحبه سوء
9. حتى لو مالقيتي نتيجه الوقت كفيل والعيال أكثر شيء يحسس الريال مسئوليه تجاهك ميخالف صيري طيبه وغبيه
بس بذكاء وخلي موضوع الكرامه على جنب لأنه مايفيد
10.الموضوع يحتاج لوقت وأنا لقيت النتيجه بعد 4 سنوات والاهم ان زوجي قدر هالاشياء ويحبني حيل وترى لازم
الزوج اشويه يبعد علشان يشتاق ويوله ويقارن وما يجادل والاهم يحبك
روحي دقي على زوجك وابدي حياتك صح حتى لو أهو غلطان مع الوقت راح يستحى من أخلاقك وكرمك وحتى ما
يزعلك لا ويعتذر لك بعد علميه على حنانك وحبك يحبك

أم دحومي الحلو ... والله انج صاجه تدرين عقب مشكلة السكن اللى من غبائى دخلت اهلى فيها وبدل لانحلها تعقدت السالفه واهلى كرهوا زوجى وصاروا يقعدونله على الوحده حتى بعد ماتصافيت معاه خلانى افكر مليون مره قبل لااتكلم عنه جدامهم ... ولايمكن اقولهم ان بينى وبينه مشكله انا الحين ماصدقت اغير فكرتهم عنه واخليهم يكلمونه زين ....

وادرى ان فترة الملجه موحلوه تطول بس ظروف كانت خارج ارادتى والحمدلله هاذى كتبت رب العالمين هانت انشالله كلها اسبوعين وزوجى يبلش بنيان ونلها انا وياه

ايييييييييييييييييييي وعلى طارى اسمى أميرة الاحلام ذاك اليوم بغيت اهبب الدنيا واقوله بس الله ستر وبآآآآآخر لحظه انتبهت انى اكتب مشاكلى بالمنتدى ومايندرا بالمسقبل يمكن هم احتاج مشورتكم خصوصا انى قررت مادخل لا اهلى ولا اهله بمشاكلنا لان لازوجى ولا انا نحب هالشى ........... هههههههههه بس صراحه ملاحظتج بمحلها يا أم دحومى :26: :17: :26:


مس ديور عادى حبيبتى كلنا عندنا ظروف بالنسبه للوصايا العشر برد عليهم حسب حالتى :

1- فعلا انا زوجى لا ام ولا ابو وبروحه فى البيت فا طول عمره متعود على الدوانيات والسفر للقنص يعنى ثلاث شهور ماسافر فيهم غير مره وحده تعتبر صج انجاز اهوه نفسه مومصدق انه قاعد كل هالمده رغم ان الفتره اللى طافت كلها اجازات بس الدواوين لا والله من ثانى اسبوع رجعلهم بس متقطع والحين زادت الدواوين مع الوقت
2-انا لحد الحين فى فترة الملجه بس النصيحه راح تكون فى عين الاعتبار انشالله لما اتزوج
3-هم مؤجله لى بعد الزواج انشالله
4-والله بينى وبينج اهوه اللى ماكل جبدى يبى يعرفنى على زوجة رفيجه الروح بالروح اللى ذابحنى فيه ويروح دوانيته لازم مرتين بالاسبوع ورفيجه يدق عليه 24 ساعه ليل ونهار وموبس زوجته يبى يعرفنى على اهله كلهم بس انا من الغيره منبطه جبدى مابى اتعرف عليهم احس جنه رفيجه مع اهله شرايجى .. بس خلاص بحاول اضغط على نفسى الاسبوع الياى واروحلهم على الاقل اعرف شنو اللى جاذبه فيهم لى هالدرجه من مبدأ اعرف عدوك
5-هذا فعلا اللى قاعده احاول اسويه بس ياربى والله صعبه حيييييييييييييل صعبه انا من النوع الحساسه وايد واذا بط جبدى بشغله والا حرنى ماارتاح لين ابط جبده اهوه بعد واطلعها من عينه بس والله انا مونكديه بس مرات يتصرف تصرفات تقهر وتحر
6-الله وحده يعلم انى ماقدر اذمه غير بهالشغله مع انى ادرى ان سببها طول فترة الملجه والا الله العالم انه خووووش ريال والحمدلله انى تزوجته ماتزوجت غيره الله عوض صبرى خير فيه يكفى انى احس انه يحبنى من قلبه ومتعلق فينى ويوم عن يوم بديت اكتشف انه صج كلشى يستشيرنى فيه صرت الحين قبل حتى اخوانه واخته الكبيره اللى بمقام امه ويحبها وايد ...حتى بعرس الرياييل قاعد يستشيرنى انا ويسالنى مايرجع لاهله ولما اقوله لاتقول حق احد صج مايقولهم وايد هالسالفه مونستنى فيه (يارب تدريم المحبه بينا ولاتفرقنا وتسخرلى زوجى يارب)
7-مممممممممممم شوفى هاذى صعبه لان على حد علمى ربعه كلهم متزوجين وزوجى آآآآخر واحد فيهم بس المشكله انهم من زمان متزوجين فا مستقرين وردوا لحياتهم الاوليه علشان جذيه فاضين حق الدواوين حريمهم لاهين ببيوتهم وعيالهم فامتفرغين حق الزن فى راس زوجى لانهم عدو المرحله اللى احنا فيها من زمان
8-للامانه صج انى منقهره من دوانياته بس الحمدلله الحمدلله على الاقل يروح دوانيات ناس انا اعرفهم واثق فيهم ولايروح اماكن الله وحده يعلم فيها يعنى دوانياته يا اما عند رفيجه هذا الروح بالروح وانا اعرفه واعرف اهله من بعيد وعارفه اخلاقهم زين والا عند خاله والا دوانية ابوى يعنى تحت عينى الحمدلله
9-قلتلج هاذى اهيه المشكله سالفة الكرامه انا من عمرى كلشى كلشى ادخل كرامتى فيه يعنى عندى كرامتى بالدنيا ولانى حسيت انى تنازلت جم مره وهاذى اول مره اسويها يعنى صعبه على فا موقادره اتحمل اكثر يعنى صدقينى وايد وايد ولهانه عليه وافكر فيه وايد بس شويه الا انا قالبه واحس انى كارهته بسبة كشتته فينى بليس اعوذ بالله منه
10- الله يقدرنى واصبر والحمدلله الحب موجود بس يمكن علشان احنا كبار بالسن وكل واحد كيف حياته على شكل معين والحين قاعدين نتصادم مع بعض السالفه يبيلها صبر

ويييييييييييييييي لاتشتيشينى اروح وادق عليه خلينى اثقل شويه .. لابس اعجبج امس زوارة اهله وحضرته يعنى زعلان كشت فينى ومامر على وقال حق اهله انى صايمه ماراح ايي بس انا كسرت عينه ورحت حق اهله وقعدت معاهم وطلعت قبل الفطور يوم شافنى حسيت انه استانس بس انا ولالالالا عبرته الله يستر ويي زوارة اهلى اليوم ومايفشلنى .. خلاص انا راح اهدى الموقف وامرى لله كله انا اللى مكبره راسى كله انا ميصير جذيه ويقولون الحريم ناقصين عقل :26: :26: :26:

فترة الملجة ومشاكلها

دايما تكون فترة الملجة هي فترة تعارف بين الازواج ومن هنا يبدأ العلاج

أي علاج ؟؟؟؟؟؟؟؟ علاج للمشاكل اللي بتطل عليكم عقب الزواج

وأولها مشكلة الديوانيات

عزيزتي مشكلة الديوانيات مشكلة ازلية بالمجتمع الكويتي

وأحد أسباب الطلاق لو ما نجحت الزوجة في مسك اعصابها وتدارك الوضع وانا قريت مقالة بمجلة ان الديوانية تعتبر

الزوجة الثانية للرجل

بيدك الحل :

وإنت معاه لا تطرين الديوانية بالمره وخلي كلامك بس عنك وعنه وعن حياتك المستقبليه معاه

حسسيه بالسعادة وحسسيه إنه في شيئ تغير في حياته وان في عضو جديد دخل فيها

المشاكل او الغيرة هي اللي تطفش الزوج وتخليه يهرب للديوانية

واضح ان زوجك ما يعرف اللف والدوران وهذا اهم شيئ ومن هنا يبدأ الحل

شوفي شنو اكثر شيئ تختلفون عليه

حاولي إنك تداركيه عشان ما يحس ان الزواج قيد من حريته ويحس بالملل

والأخوات ما شاء الله ما قصروا الله يجزاهم كل خير

ام الدحمي ارائكِ رووووووعة تدل على حكمة وحياة صقلتها التجارب

مس ديور ومنكم نستفيد أرائك أيضا رائعة جزاكِ الله كل خير

جزاك الله خير أختي طيف الأحبة... على هذا الإطراء
ومنكم نستفيد :)



جزاك الله خير يا مس ديور ,,,

والله نصائحك أعجبتني كثييييييييييييييييير
وأحس اني استفدت منها ........ وان شاء الله يسهل علي تطبيقها ......... يارب



صدقت والله !!