شوفي حبيبتي انا عملتها 8 مرااات والثامنه حملت وربي رزقني بنوته الحمدلله وعقبالك ياارب وكل من تتمنى ياااارب

معظمها ارتحت وجبت شغاله عشاان ارتاح فترة الترجيع بعضها فشلت وبعضها حملت واجهضت

سبحان الله الاخيره ما جبت شغاله ما قلت لاحد ابدا ولا حتى امي ما رست حياتي طبيعي بدون اجهاد كنت اطبخ بمساعدة زوجي وارتب بيتي وانظف بحذر شديد اتحرك عادي اجلس وانام واستقبل ضيوف واهلي لانهم ما يدرون عن وضعي والحمد لله حملت والله صدقيني الراحه مالها دخل بثبات الحمل من عدمه اتوكلي على الله والله قادر يحفظهم ويثبتهم بامره وحوله وقوته وبس 0000
واشربي سوائل كثير خاصة التفاح كليه واشربيه وخيار ولبن قد ما تقدري وادعي ربك ولا تخافي وباذن الله تبشرينا بحملك ياارب ياكريم

حبيبتي انا بقولج عن تجربة اول ماسويت الترجيع بعدها بثلث ساعة نزلت من السرير ورحت دورة المياه ويوم رجعت تسبحت بماي دافي سبوح كامل من راسي لي رجولي ورحت صليت وعقب فتحت اكثر من منتدى وقريت فيه العجايب عن الوضع اللي لازم تكونين عليه في فترة مابعد الترجيع اللي تقول لاتغسلين راسج واللي تقول لاتتسبحين واللي تقول صلي وانتي في السرير هذا غير الاكلات اللي مصنفينها على انها ممنوعة مثل الاناناس والعنب وغيره وغير وغيره والله كثر ماقريت قلت في نفسي خلاص انا موحامل لاني تسبحت وصعدت الدرج ونزلت ورحت وجيت بس من فضل الله حللت وطلعت حامل ،،،، حبيبتي وبختصار عيشي حياتك طبيعية اتسبحي وروحي واطلعي وتمشي بس امتنعي عن شيل الثقيل ودز اشياء ثقيلة واولا واخيرا كلة بايد رب العالمين و****لله ربي يكتبلك الحمل السليم يارب

كنت اطلع الدرج كل يوم والحمدلله حملت بس ربي ما اراد ان يستمر
اهم شي لا تحملي شئ ثقيل ولا تركضي وشغلك يكون بحذر
والله يتمم عليك وعلي وعلى كل محرومة ونحمل قريب

شوفي عزيزتي

قبل كم يوم شفت دكتور في قناة المحور يجي الساعه 6صباحا

يقول أنه بعد وضع الاجنه في الرحم مارسي حياتك عادي وانه الراحه مالها داعي

واهم شي ماتشيلي ثقيل (وقال أنك لو طلعتي قمة جبال الهملاياء ممكن ياثر عليك)

يعني توكلي على الله وادعي لي

شوفي انا سويت العملية اربع مرات وكلها مرتاحه وفشلت


والخامسة كمان مرتاحه ونجحت بس الخامسة طبعا كانت نفسيتي مرة مرتاحه يعني النفسية لها دور

واهم شي اتوكلت على الله وكنت اقول انا حامل وفي اليسار كمان وطلعت حامل وحملي في اليسار

وبالنسبة لطبخ اسبوعين ناكل من بره ولا اسوي اي شي

وزوجك خلية يجيب من بره الاكل هي اسبوعين مايقدر يصبر وهو مايبغى عيال لازم يضحي ويساعد