تجربة ممكن تفيدك...

زمان في إحدى المواد ..
أخذت بالامتحان الفصلي (ميد تيرم) علامة جدا جدا سيئة (رسوب)
وخفت أرسب في المادة لأنها بالفعل صعبة صعبة ما تدرين من وين تجينها:06:



مع الخوف ومع الرغبة في النجاح..

نسيت الماسنجر نسيت كل كل شي .. لأني أبي أنجح ..
أقول لنفسي: لااااااااااااااحقة على كل شي ..
ماراح يطيرون صديقاتي ولو هم يحبوني بالفعل بيقدّرون ظرفي
ولوماقدروا ظرفي هذا أكبر دليل على أنهم ما يقدروني .. واللي ما يقدرني وش أبي فيه..
النجاح له طريق واضح.. النجاح مو بالماسنجر والخرمطة أبد !!


تخيلت شكلي وأنا راسبة :( ما تحملت ... قلت لازم أسوي شيء


بالفعل .. بديت أجبر نفسي ع المذاكرة
طبعا بالبداية أحس بنفور من المذاكرة لأني ضاااااايعة وما أفهم شي..
بس شوي شوي .. أبدأ بتكوين علاقة حلوة مع الكتاب والمحاضرات
أحدد الأشياء اللي ما أفهمها..
أحاول أجلس مع البنات .. ونتناقش باللي ما فهمناه
أسأل الأستاذ ة عن اللي ما فهمته ..


والشي اللي كنت ما أتركه....

الدعــــــاء

تدرين وش كنت أدعي؟

ما كنت أدعي أني أنجح وبس .. مع أن الظروف مرررة تقول إني على وشك الرسوب

كنت أدعي أني آخذ grade عالي !! << أملي في الله كان أكبر من كل شيء

أدعي بوسط الليل ، إذا تقلبت في فراشي ، بالسجود ، بعد الأذان، وكل ما تذكرت دعيت...

كانت فترة عصيبة جدا..

مذاكرة ودعاء
مذاكرة ودعاء
مذاكرة ودعاء
مذاكرة ودعاء

امتحنـّـا الامتحان النهائي...

طلعت الدرجات...

حزري كم أخذت؟

B+


آآآآآآآآآآآآآآآآآآه ما صدقت .. أحبك يا الله !!
حسيت اني مقصرة .. ماأدعي إلا بوقت الشدة.. يااااارب ... سامحني...

حسيت بنعمة كبيرة ولذة ما تتخيلينها
ورجعت لصديقاتي... ورصيد النجاحات عندي قد ارتفع.. الحمدلله






تخيلي..
لو أني مستمرة معهم بلقاءاتنا الطووووويلة ع الماسنجر :01:
كان أولا: رسبت
ثانيا: ممكن أكرههم .. وهم مالهم ذنب..
ثالثا: سأظل مجروووحة بنفسي ... لأن صورتي عند نفسي صارت تافهه وهزيلة بدون أي إرادة أو قوة



صدقيني حبيبتي..
الإنسان لذته وسعادته بشيء غير هواه.. اللي يتبع هواه يتعب ويذل...
خصوصا لما يتعارض هواك (ماسنجر مثلا) مع مصالحك في الدنيا أو الآخرة
تحسين أن هواك هذا أتعسك وأشقاك.. ونزّل معنوياتك لدرجة الانحطاط..

احسمي الصراع ..
كوني قوية..
اتصلي بأقوى الأقوياء الكبير الجبار وكوني معه..
حتى ع الأقل تكسبين نفسية مرتاحة


فيه أحلى من النجاح بعد الكرف والتعب؟ :41:


أعتذر حبيبتي إن كان كلامي فيه قسوة..
وهذا ليس إلا من حبي لك وخوفي عليك.. وطموحي بأن تتجاوزي المشكلة بنجاح..
وأنا شخصيا .. أعامل نفسي بهاطريقة إذا كان عندي نفس مشكلتك....


آخر خيال<< الخيال مفيد لحل المشاكل :)

تخيلي أن المشكلة ثور هائج..
وسيقترب وينطحك...
ماذا تفعلين.. تهربين؟؟؟
سيظل يجري الثور ورائك..
لن يتركك
وهو يزداد حنقا وهيجانا وقوة كلما هربت
إلى متى تهربين؟؟؟
امسكي الثور من قرونه !!
طبعا هذا مو سهل ..
يحتاج أنك توقفين وتقتربين من وجه الثور (المرعب)
وتتشجعين وتمدين ايديك حتى تمسكين قرونه:30:
حتى تستطيعين التحكم به
وبالتالي التحكم بالمشكلة..
والقضاء عليها
وعدم الاستسلام :02:
<<< الله يجزاه خير اللي علمني فكرة الثور كخخخخخ :42:



وأحلى تحية لك:26:



اللهم اجعلنا من الناجحين الفائزين في الدنيا والآخرة .. آمين

لا ومن القلق والطقش

بس قاعدة عالنت

وش اسوي
الله يرضى عليكم ادعولي اذاكر واجاوب


:( :(

اخاوتي الغاليات

وخاصه للي في الصف الثالث الثانوي ، للاسف المعلمات والاهل يزرعون الرعب والخوف عند طلاب هالصف لدرجة يصابون فيها بالهلع والخوف الشديد والتوتر <<<< واقولكم كل شخص يمر بهالمرحله لكن صدقوني بعد الامتحانات راح تضحكون على انفسكم من الحاله والخوف لي كنتوا فيها ايام امتحانات الثالث الثانوي مثل اي امتحان مافيه اي شيء مختلف ، والثقه نص النجاح ، ولا تنسون حطوا في بالكم دائما أنه

لا يمـــــــــــــــــــكن لورقه بيضاء أن تتفوق على عقل إنســـــــــــــــــــــــــــــان

(((( واهم من هذا كله هو التوكل على الله والدعاء دائما ))))

نفس الحالة




ثالث ثانوي....واختباراتي يوم السبت....وعلمي....

حسبت معدل معد اختباري الشهري...طلع88%
بغيت امووووووووووووووووووووت....
تكفووون املولي بنسبة زينة حفزوووووووووني

مشكورة أختي محبة العلم

لكن انا عكس الناس
مانيب خايفة وعادي عندي
بس المشكلة ابي اخاف مو لشي بس عشان اتحمس واذاكر
انا درجاتي تمام وما تخوف
بس لو شديت حيلي رح اطلع بنسبة عالية
بس وشلون

ابي حل ابي احب المذاكرة واقطع الكتب بس كيييييييف