فتره شقى وحزن طول السنوات

بنات حبيت اشاركم قصتي اناكنت اعاني في حياتي مع اهلي انا وخواتي من سلطه اخواني كانو يتحكمون فينا بشكل موطبيعي حتى تلفزيون مايحطون لنا كل شي عيب اذا رحنا عرس مانلبس لبس عاري كانو يفتشوون لبسنا مافي جوالات كنا بالجامعه ماعندنا جوالات عشنا حياه كسيفه طبعاً هذا كم سنه الحين بناتهم قصات بوي ولبس عاري وجوالات المهم انا تزوجت انا ثاني جامعه واختي تزوجت بعدي بشهرين اخذت ولد عمي كنا نبي ننحاش المهم انا عشت مع زوجي وامه واخوه بيت واحد كانت امه انسانه متسلطه ماتخاف الله وعوبه ولسانها متبري منها وكل كلامها وسخ المهم بدايه زواجي ماسافرت قعدت بالبيت طلعنا تمشينا بس المهم بعدها بسبوع كنت انا وزوجي تنتاقش نقاش عادي عن المصرف وكذا بالغرفه ونسولف فجاءه هي تقوم تصارخ وتهاوش ليش تبي تتحكم فيك بمصرفك انت من وين لك زوجي مو متوضف عنده دخل عادي وتهاوش جاء ولدها الثاني واخذها قال فشله البنت توه عروس وهي تصيح وتهاوش انا خفت مدري شسالفه سكت ورحت اركض نمت وخايفه زوحي افتشل المهم نمت وقعدت الصباح رحت الجامعه وهي يقولي ترا امي كذا لسانها شوي عجوز تحمليها قلت شسالفه قال مافي شي نزلت الجامعه وانا متضايقه كانت تتحكم فيني وبعيالها الغرفه ماقفلها ممنوع غرفه النوم اذا رحت لهلي اخليها مفتوحه كانت عندي ثلاجه صغيره اعبيها من مكافاءه الجامعه اجي القاها فاتحه ثلاجه ماخذه منها تقول حلال ولدي ماتدري انه مني سكت وصبرت عشت ذبحت ذبيحه قالت قومي اطبخي لنا باجه انا ماعرف اطبخ لحم عشان اطبخ باجه كرعان وراس انصدمت شنو هذا واروح ادق على مرت اخوي وعلمتني صدق ماضبطته بس سويت اللي علي اول سنه ماحملت بدت تعايرني ودايم تعايرني في بيت اهلي لان يوم جت تخطب شافت بيتنا عادي وهم ناس عندهم فلوس بس هي تتحكم بلخير وعفنه عشت حياه ظلم معها كانت عندها خدامه وسفرتها خلاص جابت خدامه وبلاش اقعد الصباح قبل اروح الجامعه اسوي لها فطور وامشي اجي انزل ملابسي واطبخ غدا كانت تقول بزوجه ولدي سنه ماجاه ضنى وانا اتضايق واسكت المهم زوجت ولدها الثاني وعاش معنا وزوجته طيبه مرا صارت معي خدامه ثانيه كان علي يوم وعليها يوم كنا ناكل بالمطبخ انا وياها وربي يابنات اني صادقه بكل كلمه اقولها اذا جو حريم تفشلنا قدامهم وتكسح فينا وحنا حلوات لها مرت حماي حملت وانا خنقتني العبره دايم تجيب طاري الحمل ليش ماحملتي هذي بعدك وحملت ومره تهاوشت مع ولدها هوشه كبيره اللي هو زوجي حططت حرتها فيني جت ضربتني وانا اصيح ويجي زوجي يوخرها قالت اطلعو من بيتي قال بيت ابوي مو بيتك وكل يوم هواش ومشاكل قعدت اربع سنوات كل يوم مشكله وظلم وصراخ كرهت بيت بس صابره اختي طبعاً تطلقت من ولد عمي انا قلت خليني اصبر اتطلق بعد تحملت كانت تطق الباب علينا اذا تاخرنا ماقعدنا حدنا الساعه ١١ تبي غدا دخلت بيت جديد انتقلنا كانت تقولنا السمك ماتطبخونه داخل بالحوش احمسن سمك وانا وحماتي والله حطينا غاز بالحوش تحت الشمس وحر موت ونطبخ سمك بالحوش سوت عمليه بعيونها قمنا فيها لان ماعندها بنات انا حاطه منبه اقعد احط لها قطره لان حماتي ماتعرف تقرا مو دارسه واعطيها علاجها وحماتي تسبحها وتمشط شعرها يوم تشافت انجنت اكثر مافاد معها الطيب ولدت حماتي جابت بنت كان زوجي يحب البنت حب مو طبيعي انا ماالله رزقني وبالاربعين حملت بعد المهم انا ادعي واصلي واستغفر رحت عالجت بس مالله كتب قلت خلني اسوي انابيب قال ماعندي فلوس قلت ابيع ذهبي قال اوك رحت بعت ذهبي اخذ الفلوس راح اشترى سياره قال شلون نعالج سياره ماعندنا قال انا ادبر فلوس العمليه وكذب علي راح وداني مستشفى بالكويت عام ماسوا لي شي قلت فلوسي اخذتهم ابي اسوي انابيب قال انا احبك ماراح اتزوج غليك شفيك خايفه كذب علي بشوي كلام حماتي جابت ثلاث بنات واستلمتها ليش ماتجيبين عيال والله لزوجهم كلهم المهم بعد اربع سنوات كنت زعلانه عند اهلي لانه ضربني وراحت اخطبت له ممرضه وملك وطلبت مهر ٧٠ الف هذا اللي ماعنده انا مدري عن شي جا رجعني ولا ادري عن شي اطبخ واكرف وهو خاطب واشوف العالم تسولف اذا شافوني سكتو بعدين رحت سيرت على جارتي فوق انا وعمتي البنت تحسبني ادري قالت متى عرسكم العجوز تطالع لي انا انصدمت عرس منو ماعندنا احد بعدين اغمزت لها ام زوجي وسكتت انا شكيت ونزلت تحت رحت لحماتي اركض وحلفتها بناتها قالت اي خطب وملك على ممرضه وانا اصيح وينغمى علي ورحت لهلي والحرقه تاكلني ذهبي شرا فيه سياره هذا ماعنده فلوس حسبي الله عليكم اخذت اغراضي وهي قاعده بصاله قلت لها حسبي الله ونعم الوكيل ورحت لهلي وانا ماكل ولا اشرب لين تزوج وحط لها شقه قعدت شهر سمعت انها طلقها وحملت هي وطلبت الظلاق ماتحملت طبعه وجاء يبي يرجعني ورجعت مع ان اهلي رافضين بس رجعت حطلي غرفه جديده وعند امه ماسكنت بشقه وكانت تحب الثانيه دايم تذكرني فيها انها حلوه انها شرت لي هديه خاتم ذهب ودايم تقول لزوجي رجعها بس البنت رافضه ماتبي ترجع راحت تبي ترجعها ورفضت المهم جابت ولد وطايرين من الفرحه وراح لها ودا لها طقم ذهب ويبونها ترجع بس رافضه البنت انا اهملني مايدري عني بس يبي يرجعها عشان الولد جابو ناس تتوسط لين رجعت وسفرها تركيا انا اكل بنفسي وكل يوم عندها انا مهملني يجي عندي ساعه ويرجع لها ويبي بس لساني عشان يطلق قال اجيك الظهر وهي بليل عندها يدري الظهر هي تداوم يجي اذا كانت بدوام ويروح لها من العصر لين الليل قلت لا اعدل بينا المهم تجادلنا وطلقني يبيها من الله اخذت اغراضي ورحت لهلي تحسبت عليه بعدين دريت انه طلقها هي بعد لانها ضربها وضربته وجو اخوانها وضربوه قعد يرسلي طنشته بعدين انخطبت انا وتزوجت واحد يموت فيني صدق بدايه زواجي ماكنت مرتاحه ومتضايقه لانه اكبر مني بس بعدين تاقلمت معه وعشتت احلا ايام عمري سافرت وعيشني ملكه هو زوجته متوفيه وعنده ولد وبنت وربيت عياله ويقولون لي ماما وسوالي اطفال انابيب قبل سنه وفشلت والحين رجعت وعدتها والحين لي ست ايام مسويتها يارب تتم حملي وتفرحني برويتهم سالمين كاملين يارب ادعولي بنات يمكن دعوه غريب مستجابه