اكثر شي كان صعععب علي وفاة ابوي وانا كنت بالثانويه والوحيده اللي معه بالبيت كل اخواني وخواتي متزوجين ومتوظفين
دخلت سنه كامله اكتئاب حاد. لدرجة اجلس بجمعاتهم اطالع فيهم يسولفون واذا ضحكوا ابكي وشلون يضحكون وابوي تحت الارض
سنه مافتحت غرفته ويوم فتحوها خواتي غصب انهرت انهيار فضيع صح مانسيته ولليوم هذا اذا جا ببالي ابكي بس الحمدلله احسن مني قبل ومرحله عدت ماكنت اتوقع انها تعدي

الله يفرجها عليك ويسعدك ويرضيك
اسأل الله يفرج همومكم جميعاً

الحياة ابتلائات اسأل الله ان يجعلنا نصبر ويحسن خاتمتنا ولايجعلنا من القوم القانطين

ماحب اتذكر الاشياء المؤلمة ...

طلاق بنتي
فتره من اصعب فترات حياتي
كنت اظن ماراح تعدي وبعد سنتين بدت تتلاشى وبعد خمس سنين تزوجت بنتي شخص سبحان الله كأنه هديه لي انا على صبري ماهو لها
لان الأم تعيش حزن عيالها اكثر منهم
وبعد ١١ سنه يابنات هدى كل شي
ومن اسبوع تقريبا زوجي جاي من المسجد المغرب شاف سياره غريبه عند بابنا ونزل منها واحد وسلم على زوجي قاله ماعرفتك من انت قاله انا فلان ( طليق بنتي) ويبكي يابنات ويقول سامحني اخطيت بحقكم ( عمل يابنات مصايب حتى المحكمه راح يبي يحرمها من ولدها وانا تصديت له ووكلت محامي بهدلني وانا كبيره بين هالعالم بالمحكمه والجلسات بين الرجاجيل)
قاله زوجي مسموح انت ولدنا وولدك ولدنا
وعزمه يدخل يتقهوى عيا
اتصلت لبنتي اقولها الي صار تقول كش شعر جسمي هذا الشرير يتعذر قلت ايه ماسوينا له الا الزين وهو يدري
وحتى القاضي قلت له ما بي غير حضانة ولده ويعيش مع امه بوسطنا انا ماني جايه اشتكي على هالرجال وهو يسمع ووجهه كله غضب ، وقلت له مابي الولد يدري بهالقضية ويتعقد ومابي اجيبه يخيرونه بين امه وابوه وتنطبع هالذكريات عنده ويتعقد انا اقوم بكل شي ولي يبيه ابوه انا حاضره وانا هنا لجل ولده ، وان زاره الولد ياليت مايذكر شي سيء عن امه وعني لجل يكره الولد فينالانه الله يشهد على كذبه وان كبر الولد يجي للمحكمه ويفتح الملف ويشوف من الي كان معه ومن الي ضده ، ولي معه كم سنه عانى في المحاكم لجله وكم خسر من مال وجهد وعذاب نفسي
وللحين انا شايله ولده الي هو ولدنا ماطلبناه شي لكن الشيطان اعوذ بالله منه وسوس له
وسبحان الله كنت اظن بيتم على غيه وكرهه لنا لكن سبحان الي يغير ومايتغير
عدت مرحلته وكنت اظنها بتظل طول العمر